ആനന്ദ് അംബാനി തളിപ്പറമ്പ് രാജരാജേശ്വര ക്ഷേത്രത്തിൽ ദർശനം നടത്തി
Screenshot
തളിപ്പറമ്പ്: ശതകോടീശ്വരനും റിലയൻസ് ഇൻഡസ്ട്രീസ് ചെയർമാനുമായ മുകേഷ് അംബാനിയുടെ മകൻ ആനന്ദ് അംബാനി തളിപ്പറമ്പ് രാജരാജേശ്വര ക്ഷേത്രത്തിൽ ദർശനം നടത്തി. ഇന്നലെ രാത്രിയോടെയാണ് അദ്ദേഹം ക്ഷേത്ര ദർശനത്തിനായി എത്തിയത്.
മാങ്ങാട് കെ.എ.പി (KAP) ഗ്രൗണ്ടിൽ പ്രത്യേക ഹെലികോപ്ടറിൽ വന്നിറങ്ങിയ ആനന്ദ് അംബാനി അവിടെ നിന്നും കാർ മാർഗ്ഗമാണ് രാജരാജേശ്വര ക്ഷേത്രത്തിലെത്തിയത്. ക്ഷേത്രത്തിൽ ദർശനം നടത്തിയ അദ്ദേഹം ഭഗവാന് പൊന്നിൻകുടം സമർപ്പിച്ചാണ് മടങ്ങിയത്.
ക്ഷേത്രത്തിലെത്തിയ ആനന്ദ് അംബാനിയെ ടി.ടി.കെ ദേവസ്വം പ്രസിഡന്റ് ടി.പി. വിനോദ്കുമാർ, എക്സിക്യൂട്ടീവ് ഓഫീസർ കെ.പി. വിനയൻ എന്നിവരുടെ നേതൃത്വത്തിൽ ഔദ്യോഗികമായി സ്വീകരിച്ചു. ക്ഷേത്രത്തിന്റെ തകർന്നുകിടക്കുന്ന ഗോപുരത്തിന്റെ പുനർനിർമ്മാണവും, ആധുനിക രീതിയിലുള്ള പാർക്കിംഗ് ഗ്രൗണ്ടും ഒരുക്കുന്നതിനായുള്ള പ്രത്യേക പ്രൊജക്ട് ക്ഷേത്രം അധികൃതർ ആനന്ദ് അംബാനിക്ക് മുന്നിൽ സമർപ്പിച്ചു.
About The Author
