ആനയിടുക്ക് സ്കൂളിന് പുതിയ കെട്ടിടം; സോയ ചാരിറ്റബിൾ ട്രസ്റ്റിന്റെ മാതൃകാ പ്രവർത്തനം; ഉദ്ഘാടനം ചെയ്ത് നടൻ നരേൻ
കണ്ണൂർ: ആനയിടുക്ക് ഗവ. എൽ.പി. സ്കൂളിന് സോയ ചാരിറ്റബിൾ ട്രസ്റ്റ് നിർമ്മിച്ച് നൽകിയ പുതിയ കെട്ടിടത്തിന്റെ സമർപ്പണം നടൻ നരേൻ നിർവ്വഹിച്ചു.
വിദ്യാഭ്യാസ രംഗത്ത് ട്രസ്റ്റ് നടത്തുന്ന ഇത്തരം പ്രവർത്തനങ്ങൾ സമൂഹത്തിന് വലിയൊരു മാതൃകയാണെന്ന് ഉദ്ഘാടനം നിർവഹിച്ച് സംസാരിക്കവെ നരേൻ അഭിപ്രായപ്പെട്ടു. തന്റെ പ്രദേശത്തും ഇതുപോലെയുള്ള സഹായങ്ങൾ എത്തിക്കാൻ ശ്രമിക്കുമെന്നും അദ്ദേഹം പറഞ്ഞു.
ചടങ്ങിൽ സോയ ചാരിറ്റബിൾ ട്രസ്റ്റ് ചെയർമാൻ ഷമ മുഹമ്മദ് അധ്യക്ഷത വഹിച്ചു. കണ്ണൂർ കോർപ്പറേഷൻ മേയർ പി. ഇന്ദിര മുഖ്യാതിഥിയായി പങ്കെടുത്തു. ചടങ്ങിൽ എൽ.എസ്.എസ്. വിജയികൾക്കുള്ള സർട്ടിഫിക്കറ്റ് വിതരണവും നടന്നു.
ഡെപ്യൂട്ടി മേയർ കെ.പി. താഹിർ, വാർഡ് കൗൺസിലർ റിഷാം താണ, മുൻ ഡെപ്യൂട്ടി മേയർ കെ. ഷബീന, സ്കൂൾ പ്രഥമാധ്യാപിക കെ.വി. പ്രേമജ, സോന ജയറാം, എൻജിനീയർ യു. മുഹമ്മദ്, കെ.സി. സുധീർ, വി.പി. ഫസീല എന്നിവർ സംസാരിച്ചു.
About The Author
