ലയണൽ മെസ്സി രാജ്യാന്തര ഫുട്ബോളിൽ നിന്ന് വിരമിച്ചു; വികാരനിർഭരമായി പടിയിറക്കം
Screenshot
ബ്യൂണസ് അയേഴ്സ്: അർജന്റീനയുടെ ഇതിഹാസ താരം ലയണൽ മെസ്സി രാജ്യാന്തര ഫുട്ബോളിൽ നിന്ന് ഔദ്യോഗികമായി വിരമിച്ചു. 21 വർഷം നീണ്ട രാജ്യാന്തര കരിയറിനൊടുവിലാണ് 39-ാം വയസ്സിൽ താരം ദേശീയ ജേഴ്സിയോട് വിടപറയുന്നത്. സോഷ്യൽ മീഡിയയിലൂടെ പങ്കുവെച്ച വികാരനിർഭരമായ കുറിപ്പിലൂടെയാണ് മെസ്സി വിരമിക്കൽ തീരുമാനം ലോകത്തെ അറിയിച്ചത്.
പിതാവിന്റെ മരണത്തിന് പിന്നാലെ വിരമിക്കൽ സൂചന നൽകിയിരുന്ന താരം, ഇപ്പോൾ ഔദ്യോഗികമായി പടിയിറങ്ങുകയാണ്. അർജന്റീനക്കാരനായി ജനിച്ചതിൽ ദൈവത്തോട് നന്ദിയുണ്ടെന്നും, സ്വപ്നം കണ്ടതെല്ലാം നേടിയതിന്റെ അഭിമാനത്തോടെയും സമാധാനത്തോടെയുമാണ് മടങ്ങുന്നതെന്നും അദ്ദേഹം വ്യക്തമാക്കി. ഹൃദയം പറിഞ്ഞുപോരുന്ന വേദനയോടെയാണ് ഈ തീരുമാനമെടുക്കുന്നതെന്നും, എന്നാൽ ഇനിയും നൽകാൻ ഒന്നുമില്ലാത്തതിനാൽ യുവതാരങ്ങൾക്ക് വഴിമാറിക്കൊടുക്കേണ്ട സമയമാണിതെന്നും മെസ്സി കുറിച്ചു.
207 മത്സരങ്ങളിൽ നിന്ന് 125 ഗോളുകൾ നേടിയ മെസ്സി, 2022 ലോകകപ്പ്, 2021, 2024 കോപ്പ അമേരിക്ക കിരീടങ്ങൾ, 2008 ലെ ഒളിമ്പിക്സ് സ്വർണ്ണം എന്നിവ രാജ്യത്തിനായി സ്വന്തമാക്കിയിട്ടുണ്ട്. കിരീടങ്ങളുടെ നാളുകളിൽ മാത്രമല്ല, എല്ലാക്കാലത്തും ഈ ജേഴ്സിക്കായി താൻ സർവ്വതും നൽകിയിട്ടുണ്ടെന്ന് അദ്ദേഹം പറഞ്ഞു. ഇനിമുതൽ ഗാലറിയിലിരുന്ന് ഒരു സാധാരണ ആരാധകനായി അർജന്റീനയ്ക്കായി ശബ്ദമുയർത്തുമെന്നും ആരാധകർക്കും കുടുംബത്തിനും കോച്ചുകൾക്കും സഹതാരങ്ങൾക്കും നന്ദി പറഞ്ഞുകൊണ്ട് താരം കുറിപ്പ് അവസാനിപ്പിച്ചു
About The Author
