ഇരിട്ടി ആർട്സ് ആൻ്റ്കൾച്ചറൽ ഫോറം ഓണക്കൂട്ടായ്മയും കുടുംബ സംഗമവും
ഇരിട്ടി: ഇരിട്ടിയിലെ കലാ-സാഹിത്യ -സാംസ്കാരിക- കൂട്ടായ്മയായ ഇരിട്ടി ആർട്സ് ആൻ്റ് കൾച്ചറൽ ഫോറത്തിന്റെ നേതൃത്വത്തിൽ പെരുമ്പറമ്പ് യു പി സ്കൂളിൽ സംഘടിപ്പിച്ച ഓണ കൂട്ടായ്മയും കുടുംബ സംഗമവും പായം പഞ്ചായത്ത് പ്രസിഡണ്ട്. എം. വിനോദ് കുമാർ ഉദ്ഘാടനം ചെയ്തു സംഘാടക സമിതി ട്രഷറർ സി.കെ.ലളിത അധ്യക്ഷയായി.
സംഘാടക സമിതി കൺവീനൻ സന്തോഷ് കോയിറ്റി പദ്ധതിവിശദീകരിച്ചു.
പുരോഗമന കലാ -സാഹിത്യ സംഘം ജില്ലാ കമ്മിറ്റിയംഗം അഭിലാഷ് മയ്യിൽ മുഖ്യ പ്രഭാഷണ നടത്തി.
പായം ഗ്രാമ പഞ്ചായത്തംഗം കെ.വി.രാധാകൃഷ്ണൻ ,ഇരിട്ടി പ്രസ്സി ഫോറം പ്രസിഡണ്ട് കെ.സാദിഖ്, സി.ബാബു എന്നിവർ സംസാരിച്ചു.
തുടർന്ന് വിവിധ കലാ-കായിക മത്സരങ്ങളും, അമ്മനിലാവ് ഷോർട്ട് ഫിലിം ആദ്യ പ്രദർശനവും എടക്കാനത്തപ്പൻ വീഡിയോ ആൽബം പ്രദർശനവും നടന്നു. വൈകിട്ട് നടന്ന സാംസ്ക്കാരിക സമ്മേളനം ഇരിട്ടി നഗരസഭ ചെയർപേഴ്സൺ വി.വിനോദ് കുമാർ ഉദ്ഘാടനം ചെയ്തു. രക്ഷാധികാരി ഡോ.ജി. ശിവരാമകൃഷ്ണൻഅധ്യക്ഷനായി. ഇരിട്ടിആർട്സ് ആൻ്റ് കൾച്ചറൽ ഫോറം പ്രസിഡണ്ട്
കെ.കെ. ശിവദാസ് മുഖ്യ ഭാഷണം നടത്തി. ദ്യശ്യമാധ്യമ സംസ്ഥാന പുരസ്കാര ജേതാവ് ഉൻമേഷ് പായം, സഞ്ചാര സാഹിത്യ കാരൻ പി.എം. ജോൺ മാസ്റ്റർ പറക്കാട്ട്, അന്ധതയെ അതിജീവിച്ച് അധ്യാപികയായി ജോലിയിൽ പ്രവേശിച്ച കീഴൂർ വി യുപി സ്കൂൾ അധ്യാപിക കെ.ബി. സരിത എന്നിവരെയും ഇരിട്ടി ആർട്സ് ആൻ്റ് കൾച്ചറൽ ഫോറം പ്രതിഭകളായ സജീവൻ പാറക്കണ്ടി, ശ്രീകുമാർ പാലാപ്പറമ്പ് , മിനി രാജീവ്, ഏബൽ ജോൺ എന്നിവരെയും ചടങ്ങിൽ ആദരിച്ചു. സിനോജ് മാക്സ്, വിദ്യ വിമൽ, മനോജ് അത്തി തട്ട് എന്നിവർ സംസാരിച്ചു.
About The Author
