പരിയാരം മെഡിക്കൽ കോളേജിൽ വനിതാ ഡോക്ടറെ ഭീഷണിപ്പെടുത്തിയ സംഭവം: അക്രമത്തിനെതിരെ ഡി.വൈ.എഫ്.ഐ മാർച്ച്
Screenshot
പരിയാരം: കണ്ണൂർ ഗവൺമെന്റ് മെഡിക്കൽ കോളേജിൽ ശിശുരോഗ വിഭാഗം ഒ.പിയിൽ അതിക്രമിച്ചു കയറി വനിതാ ഡോക്ടറായ ഡോ. കെ.വി. രാധാമണിയെ ഭീഷണിപ്പെടുത്തുകയും ഡോക്ടർ കുഴഞ്ഞുവീഴാൻ ഇടയാക്കുകയും ചെയ്ത എൻ.ജി.ഒ അസോസിയേഷൻ നേതാക്കളുടെ നടപടിയിൽ പ്രതിഷേധിച്ച് ഡി.വൈ.എഫ്.ഐ മെഡിക്കൽ കോളേജിലേക്ക് മാർച്ച് നടത്തി. താത്കാലിക ജീവനക്കാരെ അന്യായമായി പിരിച്ചുവിട്ടും മാനദണ്ഡങ്ങൾ പാലിക്കാതെ ജീവനക്കാരെ സ്ഥലം മാറ്റിയും ആശുപത്രിയുടെ പ്രവർത്തനം അവതാളത്തിലാക്കാൻ ശ്രമിക്കുകയാണെന്നും ഡി.വൈ.എഫ്.ഐ ആരോപിച്ചു.
മാർച്ച് എം. വിജിൻ എം.എൽ.എ ഉദ്ഘാടനം ചെയ്തു. എ. സുധാജ് അധ്യക്ഷത വഹിച്ച ചടങ്ങിൽ സി.സി.പി. ഷിജു, പി. ജിതിൻ, പി.കെ. പ്രജീഷ്, ടി.വി. പ്രണവ് രാജ് എന്നിവർ പ്രസംഗിച്ചു. പോലീസ് ബാരിക്കേഡ് ഉയർത്തി മാർച്ച് തടയാൻ ശ്രമിച്ചെങ്കിലും പ്രവർത്തകർ അത് മറികടന്ന് പ്രിൻസിപ്പൽ ഓഫീസിന് മുന്നിലെത്തി ശക്തമായി പ്രതിഷേധിച്ചു.
About The Author
