കണ്ണാടിപ്പറമ്പിൽ കടകൾ കുത്തിത്തുറന്ന് മോഷണം കുട്ടി മോഷ്ടാവ് പിടിയിൽ -

Spread the love

കണ്ണാടിപ്പറമ്പ്: കണ്ണാടിപ്പറമ്പ് ടൗണിലെ നാല് കടകൾ തുറന്ന് മോഷണം നടത്തിയ കുട്ടി മോഷ്ടാവ് പിടിയിലായി. കണ്ണാടി പറമ്പിന് സമീപത്തെ 17 വയസ്സുകാരനെയാണ് നാട്ടുകാർ പിടികൂടി മയ്യിൽ പോലീസിൽ ഏൽപ്പിച്ചത്. തലശ്ശേരിയിലെ ജുവനൈൽ ഹോമിൽ നിന്നും ചാടിയ കുട്ടി മോഷ്ടാവിന് തലശേരിയിലും കേസുണ്ട്.
കഴിഞ്ഞ ദിവസം രാത്രി 10:30 മണിയോടെയാണ് കുട്ടി മോഷ്ടാവിനെ തെരച്ചലിൽ പാറപ്പുറത്ത് വെച്ചാണ് നാട്ടുകാർ പിടികൂടിയത്. മോഷണം നടത്താൻ ഉപയോഗിച്ച കമ്പിപാരയെടുക്കാൻ വീണ്ടും സ്ഥലത്തെ ത്തിയപ്പോഴാണ് കുടുങ്ങിയതെന്നാണ് സംശയം. നാട്ടുകാർ വിവരമറിയിച്ചതിനെ തുടർന്ന് സ്ഥലത്തെത്തിയ മയ്യിൽ പോലീസ് കുട്ടി മോഷ്ടാവിനെ കസ്റ്റഡിയിലെടുക്കുകയായിരുന്നു. കുട്ടിയെ തലശേരി പോലീസിന് കൈമാറി.