ഇന്ധന വിലവർദ്ധനവ്: ബസ് ഉടമകളുടെ പ്രതിഷേധം; ആർ.എസ്. പോസ്റ്റ് ഓഫീസിലേക്ക് മാർച്ച് -

Spread the love

കണ്ണൂർ: ഡീസൽ വിലവർദ്ധനവിൽ പ്രതിഷേധിച്ച് കണ്ണൂർ ഡിസ്ട്രിക്ട് ബസ് ഓപ്പറേറ്റേഴ്സ് അസോസിയേഷന്റെ നേതൃത്വത്തിൽ ബസ് ഉടമകൾ കണ്ണൂർ ആർ.എസ്. പോസ്റ്റ് ഓഫീസിലേക്ക് മാർച്ച് നടത്തി. ഇന്ധന വിലക്കയറ്റത്തിന് പുറമെ, വിദ്യാർത്ഥികളുടെ ബസ് ചാർജ് വർദ്ധിപ്പിക്കുക, കെ.എസ്.ആർ.ടി.സിയിലെ സ്ത്രീകളുടെ സൗജന്യ യാത്രാനുമതി പുനഃപരിശോധിക്കുക, അനാവശ്യമായ പോലീസ് – ആർ.ടി.ഒ പരിശോധനകൾ അവസാനിപ്പിക്കുക എന്നീ ആവശ്യങ്ങളും ഉന്നയിച്ചായിരുന്നു പ്രതിഷേധം.

ജില്ലാ പ്രസിഡന്റ് പി.പി. മോഹനൻ ധർണ്ണ ഉദ്ഘാടനം ചെയ്തു. ജില്ലാ ജനറൽ സെക്രട്ടറി രാജ്കുമാർ കരുവാരത്ത് അധ്യക്ഷനായി. പി. രാജൻ, കെ.പി. മുരളീധരൻ, കെ. വിജയമോഹനൻ, കെ.പി. മോഹനൻ, എം.ഒ. രാജേഷൻ, കെ. സുബൈർ, ടി.വി. ചന്ദ്രശേഖരൻ, ടി.വി. ദിനേശൻ, കെ. പുരുഷോത്തമൻ തുടങ്ങിയവർ പ്രസംഗിച്ചു.