വെങ്ങര മുട്ടം റെയിൽവേ ഗേറ്റ് ഓട്ടോ ഇടിച്ച് തകർന്നു -

പഴയങ്ങാടി : വെങ്ങര മുട്ടം റെയിൽവേ ഗേറ്റ് ഓട്ടോ ഇടിച്ച് തകർന്നു. ഞായറാഴ്ച വൈകീട്ട് 7.05 ഓടെയാണ് സംഭവം. ചരക്കുവണ്ടി കടന്നുപോകാനായി ഗേറ്റ് താഴ്ത്തിക്കൊണ്ടിരിക്കെ വെങ്ങര ഭാഗത്തുനിന്ന് അമിതവേഗത്തിൽ ഗേറ്റ് കടക്കാൻ ശ്രമിച്ച ഒാട്ടോ ഗേറ്റിന്റെ ബൂം ഇടിച്ചുതകർക്കുകയായിരുന്നു. ഇതോടെ ഗേറ്റ് പ്രവർത്തനരഹിതമായി. അർധരാത്രിയോടെ ശരിയാക്കി.

താത്കാലികമായി ഉപയോഗിക്കുന്ന ഗേറ്റും ചങ്ങലയും ഉപയോഗിച്ച് ഗേറ്റ് അടച്ചിട്ടു. ഗേറ്റ് തകർന്നതോടെ പഴയങ്ങാടിയിലേക്കും മുട്ടം പാലക്കോട് ഭാഗത്തേക്കും മൂലക്കിൽ ഭാഗങ്ങളിലേക്കും തിരിച്ചുമുള്ള ഗതാഗതം പൂണമായും തടസ്സപ്പെട്ടു. ഈ മാസം മുട്ടം ഭാഗത്തുനിന്ന് വരികയായിരുന്ന പിക്കപ്പ് വാൻ കൊളുത്തി വെങ്ങര ഭാഗത്തെ ഗേറ്റിന് തകരാർ സംഭവിച്ചിരുന്നു.