എ.രൂപേഷ് അവാർഡ് ഏറ്റുവാങ്ങി
പയ്യന്നൂർ: ജനപ്രതിനിധികളിൽ കഴിഞ്ഞ വർഷത്തെ മികച്ചനഗരസഭ കൗൺസിലർക്കുള്ള തിരുവനന്തപുരം റോട്ടറി ക്ലബ്ബിൻ്റെ അവാർഡ് പയ്യന്നൂർ നഗരസഭാ കൗൺസിലറായിരുന്ന എ.രൂപേഷ് ഏറ്റുവാങ്ങി.തിരുവനന്തപുരം റസിഡൻസി ടവറിൽ നടന്ന ചടങ്ങിൽ ഭക്ഷ്യ സിവിൽ സപ്ലൈസ് വകുപ്പ് മന്ത്രി ജി.ആർ.അനിൽ അവാർഡ് എ.രൂപേഷിന് സമ്മാനിച്ചു. ജീവകാരുണ്യ പ്രവർത്തനത്തിലും നാടിൻ്റെ സമഗ്ര വികസനത്തിനും വേണ്ടി നടത്തിയ പ്രവർത്തനങ്ങളും മുൻനിർത്തിയാണ് അന്നൂർ ശാന്തിഗ്രാം വാർഡ് മുൻ കൗൺസിലറായ എ. രൂപേഷിനെ അവാർഡിനായി തിരഞ്ഞെടുത്തത്.
പ്രസിഡണ്ട് ഡോ. ജെ. മോസസ്സ് അധ്യക്ഷത വഹിച്ചു.
സമുഹത്തിന്റെ വിവിധ മേഖലകളിൽ കഴിവ് തെളിയച്ചവരെയും ചടങ്ങിൽ ആദരിച്ചു.
About The Author
