യുവാവിനെ വധിക്കാൻ ശ്രമം നാലു പേർ അറസ്റ്റിൽ
കണ്ണൂർ: നാലുബൈക്കുകളിലായി എത്തിയ സംഘം യുവാവിനെ ആക്രമിച്ച് വധിക്കാൻ ശ്രമിച്ച കേസിൽ നാലു പേർ അറസ്റ്റിൽ . കുഞ്ഞി പള്ളിയുടെ സൽമക്വാട്ടേർസിൽ താമസിക്കുന്ന ബഷീറിന്റെ മക്കളായ വാസിൽ (24), വസീം (22), ശാദുലിപള്ളിയിലെ മടങ്കര ഹൗസിൽ അനീസ് (24), വളപട്ടണം സഫൂറ മൻസിലിൽ ഇ.എം. സൽമാൻ (20) എന്നിവരെയാണ് ടൗൺ സ്റ്റേഷൻ എസ്.ഐ.കെ. അനുരൂപും സംഘവും അറസ്റ്റു ചെയ്തത്.
താണ സ്വദേശിയും കുഞ്ഞിപ്പള്ളിയിലെ സൽമക്വാട്ടേർസിൽ താമസക്കാരനുമായ എം.എം.റഫീദിനെ (21) യാണ് പ്രതികൾ ആക്രമിച്ചത്. സംഭവം കണ്ട്തടയാൻ ചെന്ന ഉമ്മയെയും സഹോദരിയെയും ദേഹോപദ്രവം ഏല്പിച്ചുവെന്ന പരാതിയിലാണ്
വധശ്രമം ഉൾപ്പെടെയുള്ള വകുപ്പുകൾ പ്രകാരം ടൗൺ പോലീസ് കേസെടുത്തിരുന്നത്. സംഭവത്തിൽ സ്ത്രീ ഉൾപ്പെടെ 11 പേർക്കെതിരെയാണ്
പോലീസ് കേസെടുത്തി രുന്നത്.ഈ മാസം 12 ന് രാവിലെ 11.10 മണിക്ക് ക്വാട്ടേർസ് കോമ്പൗണ്ടിൽ വെച്ചാണ് സംഭവം. പരാതിക്കാരൻ്റെ ഉമ്മ തൊട്ടടുത്തക്വാട്ടേർസിൽ താമസിച്ചു വരുന്ന ഒന്നാം പ്രതിയും സുഹൃത്തുക്കളും ലഹരി വസ്തുക്കൾ ഉപയോഗിക്കുന്നത് കണ്ടതിലുള്ള വിരോധത്തിൽ പ്രതിയും പ്രതിയുടെ സഹോദരനും ഭാര്യയും ഒന്നാം പ്രതിയുടെ നിർദേശപ്രകാരം നാലു ബൈക്കുകളിലെത്തിയ സംഘം കല്ലുകൊണ്ട് പരാതിക്കാരൻ്റെ തലക്കിടിച്ചും മർദ്ദിച്ചും സംഭവം കണ്ട്തടയാൻ ശ്രമിച്ച ഉമ്മയെയും സഹോദരിയെയും ദേഹോപദ്രവം ഏല്പിച്ചുവെന്ന പരാതിയിലാണ് ടൗൺ പോലീസ് കേസെടുത്തിരുന്നത്. അറസ്റ്റിലായ പ്രതികളെ കോടതി റിമാന്റ് ചെയ്തു.
About The Author
