ഹരിത ഭൂമിക്കായ് ഗ്രീൻ ബാലറ്റ് സംഘടിപ്പിച്ചു
കടന്നപ്പള്ളി:ഗ്രീൻ ബാലറ്റ്
ത്രിതല തദ്ദേശ സ്വയം ഭരണ തെരഞ്ഞെടുപ്പ് 2025- ന്റെ ഭാഗമായി കടന്നപ്പള്ളി ഗവ. ഹയർ സെക്കൻ്ററി സ്കൂൾ സ്റ്റുഡൻ്റ് പോലീസ് കേഡറ്റ് യൂണിറ്റിൻ്റെയും ജില്ല ശുചിത്വമിഷൻ്റെയും നേതൃത്വത്തിൽ ഹരിതഭൂമിക്കായ് ഗ്രീൻ ബാലറ്റ് പരിപാടിയും റാലിയും നടത്തി. ഹരിത തെരഞ്ഞെടുപ്പ് സന്ദേശം കൈമാറാൻ ബാലറ്റ് പെട്ടിയിൽ നാട്ടുകാർ വോട്ട് രേഖപ്പെടുത്തി നിക്ഷേപിച്ചു. ഉദ്ഘാടനം ശുചിത്വമിഷൻ ജില്ലാ പ്രോഗ്രാം ഓഫീസർ എൽന ജോസഫ് നിർവഹിച്ചു. പി ടി എ പ്രസിഡൻ്റ് പി വി രാജേഷ് അധ്യക്ഷനായ ചടങ്ങിൽ ജില്ലാ റിസോഴ്സ് പേഴ്സൺ ഇ മോഹനൻ ഹരിത ഇലക്ഷൻ പ്രവർത്തനങ്ങൾ വിശദീകരിച്ചു. പ്രധാനാധ്യാപിക ലിൻ്റാമ്മ ജോൺ, പഞ്ചായത്ത് അസി. സിക്രട്ടറി പി കെ സജിത, ഹെൽത്ത് ഇൻസ്പെക്ടർ വി വി ജ്യോതി , റിസോഴ്സ് പെഴ്സൺ എം സുജന, ടി അഷിത, ലതീഷ് പുതിയടത്ത്, കെ വി ചിത്രലേഖ, ആർ പി അസ്ക്കർ ,പോലീസ് ഉദ്യോഗസ്ഥരായ മനോജ് കാനായി , വി വി സൗമ്യ, സീനിയർ കേഡറ്റ് പി വി കാർത്തിക എന്നിവർ സംസാരിച്ചു –
About The Author
