റോഡ് മുറിച്ചുകടക്കവെ മിനി ലോറിയിടിച്ച് സ്ത്രീക്ക് പരിക്ക്
(നടാൽ) | നടാൽ ദേശീയപാത മുറിച്ചു കടക്കുന്നതിനിടെ മിനി ചരക്കുലോറി തട്ടി സ്ത്രീക്ക് ഗുരുതരമായി പരിക്കേറ്റു. എടക്കാട്ടെ കമല (63) യ്ക്കാണ് അപകടത്തിൽ പരിക്കേറ്റത്. ഇവരെ കോഴിക്കോട് ബേബി മെമ്മോറിയൽ ആസ്പത്രിയിൽ പ്രവേശിപ്പിച്ചു.
ചൊവ്വാഴ്ച വൈകിട്ട് 6.45-ഓടെയാണ് അപകടം നടന്നത്. സജീവൻ സ്മാരക വായനശാലയ്ക്കടുത്ത് റോഡിൻ്റെ കിഴക്ക് വശത്ത് നിന്ന് പടിഞ്ഞാറേക്ക് പോകുമ്പോഴാണ് കമലയെ വാഹനം ഇടിച്ചത്.
തലശ്ശേരി ഭാഗത്തുനിന്ന് വന്ന മിനി ചരക്കുലോറിയാണ് അപകടമുണ്ടാക്കിയതെന്ന് ദൃക്സാക്ഷികൾ പറഞ്ഞു. ദേശീയപാതയിൽ അപകടങ്ങൾ വർദ്ധിക്കുന്നത് പ്രദേശവാസികളിൽ ആശങ്കയുണർത്തുന്നുണ്ട്.
About The Author
