പയ്യന്നൂരിൽ ശിശിരോത്സവത്തിന് തുടക്കമായി; വോയ്സ് ഓഫ് പയ്യന്നൂർ ‘സമാദരം 2026’ പുരസ്കാരങ്ങൾ വിതരണം ചെയ്തു
പയ്യന്നൂർ: വോയ്സ് ഓഫ് പയ്യന്നൂരിന്റെയും തഞ്ചാവൂർ സൗത്ത് സോണൽ കൾച്ചറൽ സെന്ററിന്റെയും ആഭിമുഖ്യത്തിൽ പയ്യന്നൂർ ഗാന്ധി പാർക്കിൽ സംഘടിപ്പിക്കുന്ന ശിശിരോത്സവത്തിന് ആവേശകരമായ തുടക്കം. പരിപാടിയുടെ ഭാഗമായി വോയ്സ് ഓഫ് പയ്യന്നൂർ ഏർപ്പെടുത്തിയ ‘സമാദരം 2026’ പുരസ്കാരങ്ങളും ചടങ്ങിൽ വിതരണം ചെയ്തു.
പയ്യന്നൂർ നഗരസഭാ ചെയർപേഴ്സൺ അഡ്വ. സരിൻ ശശി ഉദ്ഘാടനവും പുരസ്കാര സമർപ്പണവും നിർവ്വഹിച്ചു. വോയ്സ് ഓഫ് പയ്യന്നൂർ സാരഥി കെ.പി. ശ്രീധരൻ അധ്യക്ഷത വഹിച്ച ചടങ്ങിൽ എ.യു. ബാലകൃഷ്ണൻ സ്വാഗതം ആശംസിച്ചു. ഡോ. ഇ. ശ്രീധരൻ ആദരഭാഷണം നടത്തി.
പുരസ്കാര ജേതാക്കൾ:
വിവിധ മേഖലകളിൽ വ്യക്തിമുദ്ര പതിപ്പിച്ച അഞ്ച് പ്രതിഭകളാണ് ഇത്തവണത്തെ സമാദരം പുരസ്കാരത്തിന് അർഹരായത്:
• പി. കുഞ്ഞികൃഷ്ണൻ (ശാസ്ത്ര പ്രതിഭ)
• ഉദിനൂർ ബാലഗോപാലൻ (അഭിനയ പ്രതിഭ)
• പി.കെ. സുരേഷ് കുമാർ (പ്രഭാഷണ പ്രതിഭ)
• കലാമണ്ഡലം ലത (നാട്യപ്രതിഭ)
• വിജയൻ തെരുവത്ത് (മാധ്യമ പ്രതിഭ)
നഗരസഭാ ചെയർപേഴ്സണിൽ നിന്നും ഇവർ പുരസ്കാരങ്ങൾ ഏറ്റുവാങ്ങി. ഉദ്ഘാടന ചടങ്ങിന് ശേഷം ശിശിരോത്സവത്തിന്റെ ഭാഗമായുള്ള വൈവിധ്യമാർന്ന കലാപരിപാടികൾ അരങ്ങേറി. വരും ദിവസങ്ങളിലും ഗാന്ധി പാർക്കിൽ വിവിധ കലാസന്ധ്യകൾ നടക്കും.
About The Author
