പയ്യന്നൂരിൽ വൻ ലഹരിവേട്ട; 5 ലക്ഷത്തിന്റെ ഹാഷിഷ് ഓയിലുമായി രണ്ട് യുവാക്കൾ പിടിയിൽ
പയ്യന്നൂർ: ഒഡീഷയിൽ നിന്നും ട്രെയിൻ മാർഗ്ഗം പയ്യന്നൂരിലേക്ക് കടത്തി കൊണ്ടുവന്ന വിപണിയിൽ അഞ്ചു ലക്ഷത്തിലധികം വില വരുന്ന രണ്ടു കിലോ വിലധികം മയക്കുമരുന്നായ ഹാഷിഷ് ഓയിൽ കടത്തി കൊണ്ടുവന്ന രണ്ടു പേർ പിടിയിൽ. മയ്യിൽ കൊളച്ചേരി പള്ളിപ്പറമ്പയിലെ പുളിക്കൽ ഹൗസിൽ അജ്മൽ അഷറഫ് (28) , മയ്യിൽ നാറാത്ത് സ്വദേശി പുന്നക്കൽ ഹൗസിൽ മുസമ്മിൽ (31) എന്നിവരെയാണ്
എസ്.ഐ.മാരായ എൻ.കെ. ഗിരീഷ്, മഹേഷ് എന്നിവരുൾപ്പെട്ട പയ്യന്നൂർ പോലീസും റൂറൽ ജില്ലാ പോലീസ് മേധാവി അനൂജ് പലിവാൾ ഐ പി എസിൻ്റെ നേതൃത്വത്തിലുള്ള ഡാൻസാഫ് സ്ക്വാഡും ചേർന്ന് പിടികൂടിയത്. ശനിയാഴ്ച വൈകുന്നേരം 4 മണിയോടെയാണ് മയക്കുമരുന്നു ശേഖരവുമായിപ്രതികൾ പോലീസ് പിടിയിലായത്. ഒഡീഷയിൽ നിന്നും മുംബൈ മാർഗ്ഗമാണ് പ്രതികൾ മയക്കുമരുന്നുമായി പയ്യന്നൂരിലെത്തിയത്. ഇത്തരത്തിൽ മയക്കുമരുന്ന് കടത്തുന്നതായി ഡാൻസാഫ് സ്ക്വാഡിൻ്റെ ശ്രദ്ധയിൽപ്പെട്ടതിനെ തുടർന്ന് യുവാക്കൾ ഒരു മാസക്കാലമായി നിരീക്ഷണത്തിലായിരുന്നു. പ്രതികളെ വിശദമായി ചോദ്യം ചെയ്ത ശേഷം അറസ്റ്റു രേഖപ്പെടുത്തും.
About The Author
