പാലിയേറ്റീവ് ദിനാചരണം: ചക്കരക്കല്ലിൽ പാലിയേറ്റീവ് സെന്ററിന്റെ നേതൃത്വത്തിൽ സൈക്കിൾ റാലി സംഘടിപ്പിച്ചു
ചക്കരക്കൽ: പാലിയേറ്റീവ് കെയർ ദിനാചരണത്തിന്റെ ഭാഗമായി ചക്കരക്കൽ പാലിയേറ്റീവ് സെന്ററിന്റെ ആഭിമുഖ്യത്തിൽ വിപുലമായ സൈക്കിൾ റാലി സംഘടിപ്പിച്ചു. പാലിയേറ്റീവ് കെയർ സന്ദേശം ജനങ്ങളിലേക്ക് എത്തിക്കുക എന്ന ലക്ഷ്യത്തോടെയാണ് റാലി നടത്തിയത്.
താഴെ മൗവ്വഞ്ചേരിയിൽ നിന്നും ആരംഭിച്ച റാലി ചക്കരക്കൽ സി.ഐ ഷാജി ഫ്ലാഗ് ഓഫ് ചെയ്തു. പാലിയേറ്റീവ് സെന്റർ ചെയർമാൻ അയ്യൂബ് ചടങ്ങിൽ അധ്യക്ഷത വഹിച്ചു. ഡോ. അബ്ദുൾ ഗഫൂർ സ്വാഗതം പറയുകയും വാർഡ് മെമ്പർ എം. സുബൈർ മാസ്റ്റർ സംസാരിക്കുകയും ചെയ്തു.
മൗവ്വഞ്ചേരിയിലും ചക്കരക്കല്ലിലും റാലിക്ക് ആവേശകരമായ സ്വീകരണം നൽകി. സ്വീകരണ യോഗങ്ങളിൽ എം. മുസ്തഫ മാസ്റ്റർ, കണ്ണൂർ ജില്ലാ സൈക്കിൾ ക്ലബ്ബ് സെക്രട്ടറി പ്രശാന്തൻ, ഇ.കെ. അശോകൻ മാസ്റ്റർ, കെ.കെ. ബഷീർ മാസ്റ്റർ, വിനോദൻ മാസ്റ്റർ എന്നിവർ സംസാരിച്ചു.
വിവിധ പ്രദേശങ്ങളിലൂടെ സഞ്ചരിച്ച റാലി കാവിൻമൂലയിൽ സമാപിച്ചു. സമാപന ചടങ്ങിൽ ജ്യോതി ടീച്ചർ, അജയൻ മാസ്റ്റർ, അൻവർ പാനേരി, ഷൗക്കത്തലി എന്നിവർ സംസാരിച്ചു. നിരവധി സൈക്കിൾ യാത്രികരും പാലിയേറ്റീവ് പ്രവർത്തകരും റാലിയുടെ ഭാഗമായി.
About The Author
