തലശ്ശേരി രണ്ടാം റെയിൽവേ ഗേറ്റ് ഓട്ടോയിടിച്ച് ഒടിഞ്ഞ ഗേറ്റ് മാറ്റിസ്ഥാപിച്ചു
തലശ്ശേരി: ഓട്ടോയിടിച്ച് തകരാറിലായ തലശ്ശേരി രണ്ടാം റെയിൽവേ ഗേറ്റ് യുദ്ധകാലാടിസ്ഥാനത്തിൽ മാറ്റിസ്ഥാപിച്ചു. തിങ്കളാഴ്ച ഉച്ചയോടെയാണ് അപകടമുണ്ടായത്. ഗേറ്റ് ഒടിഞ്ഞതിനെത്തുടർന്ന് തടസ്സപ്പെട്ട വാഹനഗതാഗതം പുതിയ ഗേറ്റ് സ്ഥാപിച്ചതോടെ സാധാരണ നിലയിലായി.
തിങ്കളാഴ്ച ഉച്ചയ്ക്ക് 1.35-ന് കോയമ്പത്തൂർ-കണ്ണൂർ ഇന്റർസിറ്റി കടന്നുപോയ ഉടനെ ഗേറ്റ് ഉയർത്തുന്നതിനിടെയാണ് തലശ്ശേരി ഭാഗത്തുനിന്നുവന്ന ഓട്ടോ ഇലക്ട്രിക്കൽ ഗേറ്റിലിടിച്ചത്. ഇടിയുടെ ആഘാതത്തിൽ ഗേറ്റിന്റെ ഒരുഭാഗം ഒടിയുകയും ഉയർത്താൻ കഴിയാത്ത രീതിയിൽ തകരുകയുമായിരുന്നു. ഇതോടെ ഇതുവഴിയുള്ള ഗതാഗതം പൂർണ്ണമായും നിലച്ചു.
തുടർന്ന് റെയിൽവേ ജീവനക്കാരെത്തി താത്കാലിക ഗേറ്റ് സംവിധാനം ഏർപ്പെടുത്തുകയും രാത്രിയോടെ പുതിയ ഗേറ്റ് പൂർണ്ണമായും മാറ്റിസ്ഥാപിക്കുകയുമായിരുന്നു. അപകടമുണ്ടാക്കിയ ഓട്ടോ ഡ്രൈവർക്ക് 21,000 രൂപ പിഴ ചുമത്തിയിട്ടുണ്ട്. ഇടയ്ക്കിടെ ഗേറ്റ് തകരാറിലാകുന്നത് ഒഴിവാക്കാൻ ഡ്രൈവർമാർ ജാഗ്രത പാലിക്കണമെന്ന് റെയിൽവേ അധികൃതർ അറിയിച്ചു.
About The Author
