കവ്വായിൽ പുതിയ താരോദയം; മോഹൻ ബഗാനിൽ റിഹാൻക്ക് ഇടം
കവ്വായി ∙ ഫുട്ബോൾ ലോകത്ത് കവ്വായിയുടെ അഭിമാനമായി മറ്റൊരു താരോദയം കൂടി. റിഹാൻ മോഹൻ ബഗാൻ അണ്ടർ-18 ടീമിൽ ഇടം നേടി. ഇന്ത്യയിലെ പ്രമുഖ ക്ലബ്ബുകളിലൊന്നായ മോഹൻ ബഗാനിൽ കവ്വായിക്കാരനായ റിഹാന്റെ പ്രവേശനം പ്രദേശവാസികൾ ആവേശത്തോടെ സ്വീകരിച്ചു.
സഹലിന് ശേഷം “ഗ്രേറ്റ് കവ്വായിയുടെ” ക്യാപ്റ്റൻസി പട്ടം അലങ്കരിക്കുന്നത് റിഹാനാണ്. വർഷങ്ങളായി കാത്തിരുന്ന ഈ നേട്ടം കവ്വായിയിലെ ഫുട്ബോൾ ആരാധകർക്ക് ഇരട്ടിമധുരമായ സന്തോഷം നൽകി.
റിഹാൻ എൻ.പി. അബ്ദുൽ അസീസ് – സുബൈദ ടി.സി ദമ്പതികളുടെ മകനാണ്. തായിനേരി ഹയർ സെക്കൻഡറി സ്കൂളിൽ പ്ലസ് ടു വിദ്യാർത്ഥിയാണ്.
About The Author
