മുഖ്യമന്ത്രിക്ക് കരിങ്കൊടി മൂന്ന് യൂത്ത് കോൺഗ്രസുകാർ പിടിയിൽ
കണ്ണൂർ : പി എം ശ്രീയിൽ ഒപ്പുവെച്ച മുഖ്യമന്ത്രി രാജിവെക്കണമെന്നാവശ്യപ്പെട്ട് മുഖ്യമന്ത്രി സഞ്ചരിച്ച വാഹനത്തിനു നേരെ കരിങ്കൊടി കാണിച്ച മൂന്ന് യൂത്ത് പ്രവർത്തകർ പിടിയിൽ. മുണ്ടേരിയിലെ ഫർഹാൻ മുണ്ടേരി (28), പരിയാരം സി. പൊയിലിലെ പി.വി.സൂരജ് (23), ചാലാട് സ്വദേശി കെ. അർജുൻ (21) എന്നിവരെയാണ് ടൗൺ സ്റ്റേഷൻ ഇൻസ്പെക്ടർ പി.എ. ബിനുമോഹൻ കസ്റ്റഡിയിലെടുത്തത്. ഇന്നലെ വൈകുന്നേരം 4.15 മണിയോടെ കണ്ണൂർ പ്രഭാത് ജംഗ്ഷനു സമീപം വെച്ചാണ് സംഭവം. കരിങ്കൊടി വീശിയ പ്രവർത്തകർ വാഹനങ്ങൾക്ക് മാർഗ്ഗ തടസ്സവും സൃഷ്ടിച്ചു.
അതേസമയം മുഖ്യമന്ത്രിയുടെ വാഹനം കടന്നുപോകുന്ന സയൻസ് പാർക്കിന് സമീപം വഴിയിൽ കരിങ്കൊടിയുമായി വാഹന ഗതാഗത തടസ്സം സൃഷ്ടിച്ച അഞ്ച് യൂത്ത് കോൺഗ്രസ് പ്രവർത്തകരെയും ടൗൺ പോലീസ് കസ്റ്റഡിയിലെടുത്തു. യൂത്ത് കോൺഗ്രസ് പ്രവർത്തകരായ ചെണ്ടയാട്ടെ എം.സി അതുൽ(27), എം.സി നാൻ, മാടായി വാടിക്കലിലെ സി എച്ച് മുബാസ് (26), പുതിയങ്ങാടി ബീച്ച് റോഡിലെ ടി.യസീൻ (21), മാട്ടൂലിലെ വി.വി. അക്ഷയ് (23) എന്നിവരെയാണ് കസ്റ്റഡിയിലെടുത്ത് കേസെടുത്തത്.
About The Author
