പിന്നോട്ടെടുത്ത ലോറി ഓട്ടോയിലിടിച്ച് ഡ്രൈവർക്കു പരിക്ക്
പയ്യന്നൂർ: പിറകോട്ടെടുത്ത ലോറി ഓട്ടോയിലിടിച്ച് ഓട്ടോ ഡ്രൈവർക്കു പരിക്ക്. കോറോം ചാലക്കോട് കൂർക്കര സ്വദേശി കെ. കുഞ്ഞികൃഷ്ണ (58) നാണ് പരിക്കേറ്റത്. ഇയാളെ പയ്യന്നൂർ ആശുപത്രിയിൽ പ്രവേശിപ്പിച്ചു.
ഇന്ന് രാവിലെ 7 മണിയോടെ പയ്യന്നൂർ റെയിൽവേ സ്റ്റേഷൻ റോഡിലെ കേളോത്ത് ബ്ലോക്ക് പഞ്ചായത്ത് ഓഫീസിന് മുന്നിലായിരുന്നു അപകടം. യാത്രക്കാരനുമായി റെയിൽവേ സ്റ്റേഷനിലേക്ക് പോകുന്നതിനിടെയാണ് സംഭവം.
സിമന്റ് കയറ്റിയ ലോറിയാണ് അപകടത്തിൽപ്പെട്ടത്. എതിര്വശത്ത് നിര്ത്തിയിരുന്ന വാഹനത്തിലുള്ളവരോട് വഴിചോദിക്കുന്നതിനായി ലോറി ഡ്രൈവർ വാഹനം പിന്നോട്ടെടുത്തപ്പോൾ പിന്നാലെ വന്ന ഓട്ടോയിലിടിക്കുകയായിരുന്നു.
അപകടത്തിൽ ഓട്ടോയുടെ മുൻഭാഗം പൂർണ്ണമായും തകർന്നു. യാത്രക്കാരന് പരിക്കേൽക്കാതെ രക്ഷപ്പെട്ടു. നാട്ടുകാരാണ് പരിക്കേറ്റ ഡ്രൈവറെ ആശുപത്രിയിലെത്തിച്ചത്. വിവരം ലഭിച്ചതോടെ പയ്യന്നൂർ പോലീസ് സ്ഥലത്തെത്തി.
About The Author
