കാറിൽ കടത്തിയ കർണ്ണാടക മദ്യം പിടികൂടി -

കാസറഗോഡ്: കാറിൽ കടത്തുകയായിരുന്ന കർണ്ണാടക മദ്യ ശേഖരം പിടികൂടി. പ്രതി ഓടിരക്ഷപ്പെട്ടു.
ഓണം സ്പെഷ്യൽ ഡ്രൈവിൻ്റെഭാഗമായി കാസർഗോഡ് എക്സൈസ് സ്പെഷ്യൽ സ്ക്വാഡ്
ഓഫീസിലെ അസിസ്റ്റൻ്റ് എക്സൈസ് ഇൻസ്പെക്ടർ (ഗ്രേഡ്) സി കെ വി സുരേഷ് നൽകിയ രഹസ്യ വിവരത്തിൻ്റെ അടിസ്ഥാനത്തിൽ കാസർഗോഡ് എക്സൈസ് റേഞ്ച് ഓഫീസിലെ പ്രിവൻ്റീവ് ഓഫീസർ കെ വി രഞ്ജിത്തും സംഘവും കുഡ്‌ലു ചൂരിയിൽ വെച്ചാണ് കാറിൽ കടത്തുകയായിരുന്ന 25.92 ലിറ്റർ കർണ്ണാടക മദ്യം പിടികൂടിയത്. കേസെടുത്ത എക്‌സൈസ് സംഘം മദ്യ ശേഖരവും മദ്യം കടത്താൻ ഉപയോഗിച്ച കെ .എ .

എം.ബി. 8596 നമ്പർ മാരുതി ആൾട്ടോ കാർ കസ്റ്റഡിയിലെടുത്തു. വാഹന പരിശോധനയിൽ
സിവിൽ എക്സൈസ് ഓഫീസർമാരായ പ്രശാന്ത് കുമാർ എ വി, അമൽജിത്ത് സി എം, ഷംസുദ്ദീൻ വി ടി, വനിതാ സിവിൽ എക്സൈസ് ഓഫിസർ അശ്വതി വി വി, സിവിൽ എക്സൈസ് ഓഫിസർ ഡ്രൈവർ മൈക്കൽ ജോസഫ് എന്നിവരും ഉണ്ടായിരുന്നു.