കാൽനടയാത്രക്കാരനെ ഇടിച്ചിട്ട് നിർത്താതെ പോയ കാർ പോലീസ് കണ്ടെത്തി
ഇരിട്ടി: കാൽനടയാത്രക്കാരനെ ഇടിച്ചിട്ട് നിർത്താതെപോയ കാർ പോലീസ് അന്വേഷണത്തിലൂടെ കണ്ടെത്തി. ഒരാഴ്ചമുമ്പ് മാടത്തിൽ – എടൂർ റോഡിൽ കോറമുക്കിൽ വെച്ചായിരുന്നു സംഭവം. റോഡിലൂടെ നടന്നു പോകുകയായിരുന്ന കോറമുക്ക് സ്വദേശി ചന്ദ്രനെ ഇടിച്ചുതെറിപ്പിച്ച ശേഷം കാർ നിർത്താതെ കടന്നുകളയുകയിരുന്നു. ഇരിട്ടി സി ഐ കെ.വി. ഉമേഷിന്റെ നിർദ്ദേശപ്രകാരം എസ് എച്ച് ഒ സനീതിന്റെ നേതൃത്വത്തിൽ പ്രത്യേക അന്വേഷണസംഘം രൂപീകരിച്ചിരുന്നു. പ്രദേശത്തെ നിരവധി നിരീക്ഷണ ക്യാമറകൾ പരിശോധിക്കുകയും ശാസ്ത്രീയ അന്വേഷണ മാർഗങ്ങൾ ഉപയോഗപ്പെടുത്തുകയും ചെയ്താണ് പോലീസ് വാഹനത്തെ കണ്ടെത്തിയത്.
ഇരിട്ടി എസ് ഐ ശ്രീനാഥ്, ഷിജിത്ത്, ഷൗക്കത്ത്, രാജേഷ്, നവാസ്, നിസാം, അനൂപ് എന്നിവരുടെ നേതൃത്വത്തിലുള്ള സംഘമാണ് വാഹനം കണ്ടെത്തിയത്. എടൂർ സ്വദേശിനി മൃദുലയുടെ ഉടമസ്ഥതയിലുള്ള കാറാണ് പോലീസ് കണ്ടെത്തിയത്. ഷിജുവാണ് അപകടസമയത്ത് കാർ ഓടിച്ചിരുന്നതെന്ന് പോലീസ് പറഞ്ഞു
About The Author
