സി.കെ കുഞ്ഞിരാമൻ നിര്യാതനായി
വെള്ളച്ചാൽ : എടക്കാട് ഏരിയയിലെ തലമുതിർന്ന സി.പി.എം നേതാവും പെരളശേരി പഞ്ചായത്തിലെ സാമൂഹ്യ, സാംസ്കാരിക രംഗങ്ങളിൽ നിറഞ്ഞുനിൽക്കുന്ന വ്യക്തിത്വവുമായിരുന്ന സി.കെ കുഞ്ഞിരാമൻ (73) നിര്യാതനായി. സി.പി.എം എടക്കാട് ഏരിയാ കമ്മിറ്റി അംഗവും സി.ഐ.ടി.യു എടക്കാട് ഏരിയാ സെക്രട്ടറിയുമാണ്. നേരത്തെ പെരളശേരി ഗ്രാമ പഞ്ചായത്തംഗമായിരുന്നു. പെരളശേരി പഞ്ചായത്തിലെ കമ്യുണിസ്റ്റ് പാർട്ടി പ്രവർത്തനങ്ങൾ സംഘടിപ്പിക്കുന്നതിൽ മുൻനിരയിലുണ്ടായിരുന്ന പ്രവർത്തകരിൽ ഒരാളായിരുന്നു ജനങ്ങൾ സി.കെ യെന്ന് വിളിക്കുന്ന സി.കെ. കുഞ്ഞിരാമൻ. വെള്ളച്ചാലിൽ ബീഡി തൊഴിലാളിയായിരുന്ന ഇദ്ദേഹം പിന്നീട് മുഴുവൻ സമയ രാഷ്ട്രീയ പ്രവർത്തകനായി മാറുകയായിരുന്നു. ഭാര്യ: കെ. ശൈലജ. മക്കൾ: കെ.ഷിജു , കെ. നിജു
About The Author
