സ്ഥലം വില്പന നടത്തി പണം നൽകാതെവഞ്ചന പ്രതി പിടിയിൽ
Screenshot
കണ്ണൂർ: കർണ്ണാടക സ്വദേശിയുടെ പേരിലുള്ള സ്ഥല കച്ചവടവുമായി ബന്ധപ്പെട്ട് എഗ്രിമെൻ്റിൽ പലതവണകളായി 70,80,000 രൂപ നൽകിയതായി കളവായി രേഖപ്പെടുത്തിയും സ്ഥലം വില്പന നടത്തി പണം നൽകാതെയും വാങ്ങിയ സ്ഥല രേഖകൾ തിരികെ നൽകാതെയും വഞ്ചിച്ച കേസിൽ പ്രതി പിടിയിൽ. നാറാത്ത് കൊളച്ചേരിയിലെ കോട്ടത്ത് വളപ്പിൽ മൻസൂർ ഇബ്രാഹിമിനെ (56)യാണ് ടൗൺ പോലീസ് അറസ്റ്റുചെയ്തത്. ദക്ഷിണ കർണ്ണാടക പ്രാന്തിയ ഗ്രാം സ്വദേശി വെല്ലരിയൻ ആൽബർട്ട് ഡിസൂസയുടെ പരാതിയിലാണ് കേസെടുത്തിരുന്നത്. പരാതിക്കാരനിൽ നിന്നും സ്ഥല വില്പന നടത്തി രണ്ടരക്കോടി രൂപ നൽകാമെന്ന് പറഞ്ഞ് വിശ്വസിപ്പിച്ചു സ്ഥലത്തിൻ്റെ നാല് ആധാരം കൈപ്പറ്റുകയും 2025 നവംബർ 5 ന് പരാതിക്കാരൻ ഒന്നാം കക്ഷിയായും പ്രതി രണ്ടാം കക്ഷിയായും ഒരു എഗ്രിമെൻ്റ് തയാറാക്കുകയും എഗ്രിമെൻ്റിൽ പ്രതി പല തവണകളായി പരാതിക്കാരന് 70, 80,000 രൂപ നൽകിയതായി തെറ്റായി രേഖപ്പെടുത്തി നാളിതുവരെ സ്ഥലം വില്പന നടത്തി പണം തരുകയോ സ്ഥലത്തിൻ്റെ ആധാരം തിരികെ നൽകാതെയും വഞ്ചിച്ചുവെന്ന പരാതിയിലാണ് പോലീസ് കേസെടുത്തത്.
About The Author
