ഇരിട്ടി വിദ്യാരംഗം കലാസാഹിത്യവേദി ‘സഫലം’ അധ്യാപക സംഗമവും വിജയോത്സവവും സംഘടിപ്പിച്ചു
ഇരിട്ടി: വിദ്യാരംഗം കലാസാഹിത്യവേദി ഇരിട്ടി ഉപജില്ലാ കമ്മിറ്റിയുടെ നേതൃത്വത്തിൽ ‘സഫലം’ അധ്യാപക സംഗമവും വിജയോത്സവവും സംഘടിപ്പിച്ചു. പരിപാടിയുടെ ഉദ്ഘാടനം ഇരിട്ടി ഉപജില്ലാ വിദ്യാഭ്യാസ ഓഫീസര് (എ.ഇ.ഒ) സി.കെ. സത്യന് നിർവ്വഹിച്ചു. ബി.പി.സി കെ. നിശാന്ത് ചടങ്ങിൽ അധ്യക്ഷത വഹിച്ചു.
അവധിക്കാലത്ത് വായനാ മത്സരം:
വിദ്യാരംഗം കലാസാഹിത്യവേദി ഈ വര്ഷം സംഘടിപ്പിച്ച വിവിധ മത്സരങ്ങളില് ജില്ലാതലത്തില് വിജയികളായവര്ക്കും, ‘വാങ്ങ്മയം’ ഉപജില്ലാ മത്സരത്തില് വിജയികളായവര്ക്കും ചടങ്ങിൽ വെച്ച് ഉപഹാരങ്ങള് വിതരണം ചെയ്തു. വരാനിരിക്കുന്ന വേനലവധിക്കാലത്ത് കുട്ടികള്ക്കും അധ്യാപകര്ക്കും പ്രത്യേക വായനാ മത്സരം സംഘടിപ്പിക്കുമെന്നും ഭാരവാഹികൾ അറിയിച്ചു.
സൂപ്രണ്ട് ശ്രീകാന്ത്, ടി.പി. ശാദിയ സഹല, സി.എ. രശ്മി, പി. സജ്ന, അശ്വന്ത് ആലക്കണ്ടി, സുധി, സൗരവ് ദിലീപ്, ഉപജില്ലാ കണ്വീനര് കെ. വിനോദ് കുമാര് എന്നിവര് സംസാരിച്ചു.
About The Author
