ശമ്പള പരിഷ്കരണം വേഗത്തിലാക്കുക; സി.ഇ.ഒ (CEO) തളിപ്പറമ്പ് എ.ആർ ഓഫീസിന് മുന്നിൽ ധർണ്ണ നടത്തി
തളിപ്പറമ്പ്: സഹകരണ ജീവനക്കാരുടെ ശമ്പള പരിഷ്കരണം ഉൾപ്പെടെയുള്ള വിവിധ ആവശ്യങ്ങൾ ഉന്നയിച്ച് കോ-ഓപ്പറേറ്റീവ് എംപ്ലോയിസ് ഓർഗനൈസേഷൻ (സി.ഇ.ഒ) ജില്ലാ കമ്മിറ്റിയുടെ നേതൃത്വത്തിൽ തളിപ്പറമ്പ് അസിസ്റ്റന്റ് രജിസ്ട്രാർ ഓഫീസിന് മുന്നിൽ ധർണ്ണ നടത്തി.
ശമ്പള പരിഷ്കരണ നടപടികൾ ഊർജ്ജിതമാക്കുക, അന്യായമായ ക്ലാസ്സിഫിക്കേഷൻ മാനദണ്ഡങ്ങൾ ലഘൂകരിക്കുക, സഹകരണ മേഖലയിൽ മെഡിസെപ് പദ്ധതി ഉടൻ നടപ്പിലാക്കുക, പെൻഷൻ ഇൻസെന്റീവ് വിതരണത്തിലെ കാലതാമസം ഒഴിവാക്കുക തുടങ്ങിയ ആവശ്യങ്ങൾ ഉന്നയിച്ചാണ് ധർണ്ണ സംഘടിപ്പിച്ചത്.
മുസ്ലിം ലീഗ് ജില്ലാ വൈസ് പ്രസിഡൻ്റ് അഡ്വ. എസ്. മുഹമ്മദ് സമരം ഉദ്ഘാടനം ചെയ്തു. സി.ഇ.ഒ ജില്ലാ പ്രസിഡൻ്റ് അഷ്റഫ് മടക്കാട് അധ്യക്ഷത വഹിച്ചു. ജില്ലാ ജനറൽ സെക്രട്ടറി എം.എ. ഖലീൽ റഹ്മാൻ സ്വാഗതം പറഞ്ഞു.
സംസ്ഥാന വൈസ് പ്രസിഡൻ്റുമാരായ നസീർ ചാലാട്, മുസ്തഫ പൊന്നമ്പാറ, കെ.എസ്. റഫീഖ്, പി.പി. സുബൈർ, ഉനൈസ് എരുവാട്ടി, ഒ.പി. മുഹമ്മദലി, ഇഖ്ബാൽ വട്ടിയേര, സി.പി. അൻവർ, കെ.എൻ. സാലി, ഷാഹിദ നടുവിൽ, എം.പി. അബൂബക്കർ, ഷാജിർ, ബഷീർ, കെ.എം. മുഹമ്മദ് കുഞ്ഞി എന്നിവർ സംസാരിച്ചു.
About The Author
