ശ്രീ പത്മനാഭസ്വാമി ക്ഷേത്രത്തിലെ മുൻ പെരിയനമ്പി കാഞ്ഞങ്ങാട്ടെ ബ്രഹ്മശ്രീ പത്മനാഭൻ മരുതം പാടിത്തായർ അന്തരിച്ചു
തിരുവനന്തപുരം ശ്രീ പത്മനാഭസ്വാമി ക്ഷേത്രത്തിലെ പെരിയനമ്പിയായിരുന്ന കാഞ്ഞങ്ങാട്പുല്ലൂർ വിഷ്ണുമംഗലം മരുതംപാടി ഇല്ലത്തെ ബ്രഹ്മശ്രീ പത്മനാഭൻ മരുതംപാടിത്തായർ (മരുതംപാടി നാരായണൻ പത്മനാഭൻ -64) അന്തരിച്ചു. ഹൃദയാഘാതത്തെ തുടർന്ന് വെള്ളിയാഴ്ച രാത്രി 11.30ഓടെയായിരുന്നു അന്ത്യം
ഏറ്റുമാനൂർ മഹാദേവ ക്ഷേത്രം, കുമാരനെല്ലൂർ ദേവീക്ഷേത്രം എന്നിവിടങ്ങളിൽ മേൽശാന്തിയായിരുന്നിട്ടുണ്ട്. 2008 മുതൽ 2009 വരെ പഞ്ചഗവ്യത്ത് നമ്പിയായും 2009 മുതൽ 2015 വരെ പെരിയ നമ്പിയായും ശ്രീ പത്മനാഭസ്വാമിയെ സേവിച്ചു. കാഞ്ഞങ്ങാട് പുല്ലൂർ-പെരിയ ഗ്രാമ പഞ്ചായത്തിലെ മികച്ച കർഷകനുള്ള പുരസ്കാരം ലഭിച്ചിട്ടുണ്ട്. ഭാര്യ:
ഉഷ പത്മനാഭൻ. മക്കൾ: കിഷോർ നാരായണൻ, പത്മകുമാർ. മരുമകൾ: കൃഷ്ണപ്രിയ. സഹോദരങ്ങൾ: കേശവൻ അഞ്ജനംതോടിത്തായർ, ശിവദാസ് മരുതംപാടിത്തായർ(തലശ്ശേരി തിരുവങ്ങാട് ശ്രീരാമസ്വാമി ക്ഷേത്രം മേൽശാന്തി), സത്യൻ മരുതംപാടിത്തായർ(പുല്ലൂർ വിഷ്ണുമംഗലം മഹാവിഷ്ണുക്ഷേത്രം മേൽശാന്തി), ശ്രീരാമൻ മരുതംപാടിത്തായർ (നീലേശ്വരം രാജാസ് ഹൈസ്കൂൾ അദ്ധ്യാപകൻ).
About The Author
