വാഹനാപകടത്തിൽ പരിക്കേറ്റ് ചികിത്സയിലായിരുന്ന കണ്ണാടിപറമ്പ് സ്വദേശി മരിച്ചു
കണ്ണാടിപറമ്പ് : ബൈക്കിടിച്ച് പരിക്കേറ്റയാള്‍ ചികിത്സയിലിരിക്കെ മരിച്ചു.കണ്ണാടിപ്പറമ്പ് മാലോട്ടിലെ എന്‍.പി. ഫാറൂഖ്(45) ആണ് മരിച്ചത്. കൊളച്ചേരി മുക്കിലെ പെട്രോള്‍ പമ്പിനു സമീപത്തെ വെച്ച് ഞായറാഴ്ച രാത്രി എട്ടിനാണ് സംഭവം. സ്വകാര്യ വാഹനത്തിലെ ഡ്രൈവറായ ഫാറൂഖ് വാഹനം ഗ്യാരേജില്‍ വെച്ച് വീട്ടിലേക്ക് പോകുന്നതിനിടയിലാണ് അപകടം നടന്നത്. ഉടന്‍ കണ്ണൂരിലെ സ്വകാര്യ ആസ്പത്രിയിലെത്തിച്ച് ചികിത്സ നടത്തി വരികയായിരുന്നു. പിതാവ്: കുന്നുമ്മല്‍ പുതിയപുരയില്‍ മൊയ്തീന്‍( മാലോട്ട്) ഉമ്മ. ജമീല. ഭാര്യ: കദീജ(പാട്ടയം)മക്കള്‍: ഫര്‍ദീം, ഫാത്തിമ.(ഇരുവരും വിദ്യാര്‍ഥികള്‍)ഖബറടക്കം കമ്പിൽ മൈതാനി പള്ളി ഖബർസ്ഥാനിൽ നടക്കും.
About The Author
