കുറ്റ്യാട്ടൂരിൽ എൻഫോഴ്സ്മെന്റ് സ്ക്വാഡ് പരിശോധന; മൂന്ന് ഭക്ഷ്യ സ്ഥാപനങ്ങൾക്ക് പിഴ
കുറ്റ്യാട്ടൂർ:
ജില്ലാ എൻഫോഴ്സ്മെന്റ് സ്ക്വാഡ് കുറ്റ്യാട്ടൂർ ഗ്രാമപഞ്ചായത്ത് പരിധിയിൽ നടത്തിയ പരിശോധനയിൽ പരിസ്ഥിതി നിയമലംഘനങ്ങൾ കണ്ടെത്തിയതിനെ തുടർന്ന് മൂന്ന് ഭക്ഷ്യ സ്ഥാപനങ്ങൾക്ക് പിഴ ചുമത്തി.
എട്ടേയാറിലെ ഡോൾഫിൻ റസ്റ്റോറന്റ്, ചട്ടുകപ്പാറയിലെ ഇൻസ്പെയർ ഫുഡ്സ്, മയ്യിലെ അൽ-അറഫ ബേക്കറി എന്നിവയ്ക്കെതിരെയാണ് നടപടി സ്വീകരിച്ചത്.
ഡോൾഫിൻ റസ്റ്റോറന്റിന് 20,000 രൂപ പിഴ
ഡോൾഫിൻ റസ്റ്റോറന്റിൽ നിന്നുള്ള മലിനജലം സമീപത്തെ തുറസ്സായ പറമ്പിലേക്ക് ഒഴുക്കിവിടുന്നതായും, ജൈവ–അജൈവ മാലിന്യങ്ങൾ തരംതിരിക്കാതെ കൂമ്പാരമായി സൂക്ഷിക്കുന്നതായും, പ്ലാസ്റ്റിക് ഉൾപ്പെടെയുള്ള മാലിന്യങ്ങൾ കത്തിക്കുന്നതായും പരിശോധനയിൽ കണ്ടെത്തി.
ഇതോടൊപ്പം സ്ഥാപനത്തിൽ നിന്ന് ഏകദേശം 12 കിലോഗ്രാം നിരോധിത പ്ലാസ്റ്റിക് ക്യാരി ബാഗുകളും പിടിച്ചെടുത്തു. ഇതിന്റെ അടിസ്ഥാനത്തിൽ 20,000 രൂപ പിഴ ചുമത്തി.
അൽ-അറഫ ബേക്കറിയിൽ നിന്നും 22 കിലോ നിരോധിത പ്ലാസ്റ്റിക്
മയ്യിലെ അൽ-അറഫ ബേക്കറിയിൽ നിന്നു 22 കിലോഗ്രാം നിരോധിത പ്ലാസ്റ്റിക് ക്യാരി ബാഗുകൾ കണ്ടെത്തി. ഇതിനെ തുടർന്ന് 10,000 രൂപ പിഴ ചുമത്തി നടപടി സ്വീകരിച്ചു.
ഇൻസ്പെയർ ഫുഡ്സിന് 5,000 രൂപ പിഴ
ചട്ടുകപ്പാറയിലെ ഇൻസ്പെയർ ഫുഡ്സ് എന്ന ബേക്കറി നിർമാണ യൂണിറ്റിൽ പ്ലാസ്റ്റിക് ഉൾപ്പെടെയുള്ള മാലിന്യങ്ങൾ കൂമ്പാരമായി കൂട്ടിയിട്ട് കത്തിച്ചതായി കണ്ടെത്തി. ഇതിന്റെ അടിസ്ഥാനത്തിൽ 5,000 രൂപ പിഴ ചുമത്തി.
പരിശോധനയിൽ ജില്ലാ എൻഫോഴ്സ്മെന്റ് സ്ക്വാഡ് ലീഡർ പി.പി. അഷ്റഫ്, സ്ക്വാഡ് അംഗം അലൻ ബേബി, കുറ്റ്യാട്ടൂർ പഞ്ചായത്ത് ഹെൽത്ത് ഇൻസ്പെക്ടർ എ.പി. ആര്യ രശ്മി തുടങ്ങിയവർ പങ്കെടുത്തു.
About The Author
