കിട്ടിയതെല്ലാം സ്വന്തം ആക്കാതെ… ഹരിശ്രീ ബസ് ജീവനക്കാരുടെ നീതി മനോഹരം! -

കണ്ണൂർ – കൂട്ടുപുഴ: ഹരിശ്രീ ബസിലെ ഡ്രൈവർ, കണ്ടക്ടർ എന്നിവർ യാത്രക്കാരി കളഞ്ഞ് പോയ ഒരു പവന്റെ ബ്രേസ്ലെറ്റ് ഉടമയ്ക്ക് തിരിച്ചുനൽകിയ സംഭവം മാനുഷിക മൂല്യങ്ങൾക്കും ധാർമ്മികതയ്ക്കും ഉത്തമ ഉദാഹരണമായി.

തിങ്കളാഴ്ച രാത്രി, ബസ് ഓട്ടം നിർത്തിയശേഷം ഒരു സ്ത്രീ യാത്രക്കാരി തന്റെ ബ്രേസ്ലെറ്റ് നഷ്ടപ്പെട്ടതിനെക്കുറിച്ച് ഫോണിലൂടെ ബസ് ജീവനക്കാരെ സമീപിച്ചു. വിവരം ലഭിച്ച ഉടനെ ഡ്രൈവർ സജേഷും കണ്ടക്ടർ ഹർഷിയും ചേർന്ന് ബസ്സിനകത്ത് തിരച്ചിൽ നടത്തി. ഒടുവിൽ ബ്രേസ്ലെറ്റ് ബസിനകത്ത് കണ്ടെത്തി.

ചൊവ്വാഴ്ച രാവിലെ, ബ്രേസ്ലെറ്റിന്റെ ഉടമയുടെ പിതാവ് സുജിത്ത്, മട്ടന്നൂർ എസ്.ഐ. നൗഷാദിന്റെ സാന്നിധ്യത്തിൽ സ്റ്റേഷനിൽ എത്തി വിലയേറിയ ആഭരണത്തെ സ്വീകരിച്ചു. ബസ് മാനേജർ അജിത്ത്, ജീവനക്കാർ ആയ സജേഷ്, ഹർഷി എന്നിവർ സ്റ്റേഷനിൽ നേരിട്ടെത്തി ബ്രേസ്ലെറ്റ് കൈമാറി.