ഓട്ടോ മറിഞ്ഞ് റബ്ബർ ടാപ്പിംഗ് തൊഴിലാളി മരിച്ചു. -

മയ്യിൽ: നിയന്ത്രണം വിട്ട ഓട്ടോ മറിഞ്ഞ് റബ്ബർടാപ്പിംഗ് തൊഴിലാളി മരിച്ചു. ടാപ്പിംഗ് തൊഴിലാളികോട്ടയം പനമറ്റം ഇളംകുളം അപ്പു നിവാസിൽ രാജേന്ദ്രൻ (54)ആണ് മരിച്ചത്.ഇന്നലെ വൈകുന്നേരം 6.40 മണിയോടെ കയരളം മൊട്ടക്കലായിരുന്നു അപകടം.
പനമറ്റത്തെതങ്കപ്പൻ്റെയും അമ്മിണിയുടെയും മകനാണ്. ഭാര്യ: രാധ. മകൻ. കണ്ണൻ.സഹോദരങ്ങൾ:ഷീലമ്മ, മിനി.
മയ്യിൽ പാടിക്കുന്ന് പെരുവങ്ങൂരിൽ ഒരു വർഷ കാലമായി കുടുംബ സമേതം താമസിച്ചു രാജേന്ദ്രൻ റബ്ബർ ടാപ്പിംഗ് ജോലി ചെയ്തു വരികയായിരുന്നു. മയ്യിൽ പെരുവങ്ങൂർ ഭാഗത്തേക്ക് പോകവെ മറ്റൊരു വാഹനം ഓട്ടോയെ മറികടക്കുന്നതിനിടയിൽ രാജേന്ദ്രൻ ഓടിച്ച കെ. എൽ 59. സി. 9062 നമ്പർ ഓട്ടോ നിയന്ത്രണം വിട്ട് റോഡിലേക്ക് മറിയുകയായിരുന്നു. ഉടൻ കണ്ണൂർ ജില്ലാ ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല.അപകടത്തിൽ ഓട്ടോയിലുണ്ടായിരുന്ന
ബന്ധുവും ടാപ്പിംഗ് തൊഴിലാളിയുമായ ടി.സി.അനൂപ് മോനും പരിക്കേറ്റിരുന്നു. മയ്യിൽ പോലീസ് മൃതദേഹം ഇൻക്വസ്റ്റ് നടത്തി.