കാപ്പ ചുമത്തി ജയിലിലടച്ചു
കണ്ണൂർ: കണ്ണൂർ നഗരത്തിലെ നിരവധി കഞ്ചാവ് – മയക്ക് മരുന്ന് കേസുകളിൽ ഉൾപ്പെടെ പ്രതിയായ യുവാവിനെ കാപ്പ വകുപ്പ് ചുമത്തി അറസ്റ്റ് ചെയ്തു ജയിലിലടച്ചു. താവക്കര പുതിയ ബസ് സ്റ്റാന്റിനടുത്ത ഫാത്തിമാസിൽ നിഹാദ് മുഹമ്മദിനെ (35)യാണ് ടൗൺ ഇൻസ്പെക്ടർ ശ്രീജിത്ത് കൊടേരിയുടെ നിർദ്ദേശപ്രകാരം എസ് ഐ മാരായ ദീപ്തി, അനുരൂപ് എന്നിവർ ചേർന്ന് അറസ്റ്റ് ചെയ്ത് കോടതിയിൽ ഹാജരാക്കി ജയിലിലടച്ചത്.
നഗരത്തിലെ ലോഡ്ജിൽ നിന്നും മയക്ക്മരുന്ന് പിടികൂടിയത് ഉൾപ്പെടെ കണ്ണൂർ ടൗൺ, മട്ടന്നൂർ പോലീസ് സ്റ്റേഷൻ പരിധിയിൽ പത്തോളം കേസുകളിൽ പ്രതിയാണ് നിഹാദ് മുഹമ്മദെന്ന് പോലീസ് പറഞ്ഞു.
About The Author
