വ്യാപാരിയെ മർദ്ദിച്ച യുവാവിനെതിരെ കേസ്
പഴയങ്ങാടി. വ്യാപാര സ്ഥാപനത്തിൽ ജോലി ചെയ്യുന്നഭാര്യയെ സ്ഥാപനത്തിൽ നിന്നും ഒഴിവാക്കിയില്ലെങ്കിൽ കൊന്ന് കളയുമെന്ന് പറഞ്ഞ് വ്യാപാരിയെ മർദ്ദിച്ച് പരിക്കേൽപ്പിച്ച യുവാവിനെതിരെ പരാതിയിൽ പോലീസ് കേസെടുത്തു. പുതിയങ്ങാടി ഇട്ടമ്മലിലെ ചെറിയാൻ വളപ്പിൽ മുജീബ് റഹ്മാൻ്റെ (50) പരാതിയിലാണ് രാമന്തളിയിലെ ഇനായത്തിനെ (35)തിരെ പഴയങ്ങാടി പോലീസ് കേസെടുത്തത്. ഇക്കഴിഞ്ഞ ഫെബ്രവരി 25 ന് ഉച്ചയ്ക്ക് 2.30 മണിക്കാണ് പരാതിക്കാസ്പദമായ സംഭവം. പരാതിക്കാരൻ്റെ സ്ഥാപനത്തിൽ ഭാര്യയുടെ ജ്യേഷ്ഠത്തിയുടെ മകളായ പ്രതിയുടെ ഭാര്യയെ ജോലിക്ക് നിർത്തിയ വിരോധത്തിൽ മുഖത്തും ഷോൾഡറിലും അടിച്ചതിൽ ഷോൾഡറിന് മുമ്പ് ഇട്ടതായ സ്റ്റീലിന് തകരാറു സംഭവിച്ചുവെന്നുള്ള പരാതിയിലാണ് കേസെടുത്തത്.
അതേസമയം രാമന്തളിയിലെ ഒറ്റ തയ്യിൽ ഹൗസിൽ ഇ നായത്ത് ഇസ്മായിലിനെ (35) ഹെൽമെറ്റ് കൊണ്ട് അടിക്കുകയും കൊല്ലുമെന്ന് ഭീഷണിപ്പെടുത്തുകയും ചെയ്തുവെന്ന പരാതിയിൽ വ്യാപാരിക്കും മറ്റൊരാൾക്കുമെതിരെയും പഴയങ്ങാടി പോലീസ് കേസെടുത്തിട്ടുണ്ട്. വ്യാപാരി മാടായിയിലെ മുജീബ് റഹ്മാൻ, കണ്ടാലറിയാവുന്ന മറ്റൊരാൾക്കുമെതിരെയാണ് പഴയങ്ങാടി പോലീസ് കേസെടുത്തത്.
About The Author
