പോക്സോ കേസിൽ ഓട്ടോഡ്രൈവർ അറസ്റ്റിൽ
കണ്ണൂർ: പ്രായപൂർത്തിയാകാത്ത ആൺകുട്ടിയെ പ്രകൃതി വിരുദ്ധ പീഡനത്തിനിരയാക്കിയ കേസിൽ ഓട്ടോ ഡ്രൈവർ അറസ്റ്റിൽ. ടൗണിലെ ഓട്ടോഡ്രൈവർ ബാബു(61) വിനെയാണ് ടൗൺ സ്റ്റേഷൻ ഇൻസ്പെക്ടർ ശ്രീജിത് കൊടേരിയും സംഘവും അറസ്റ്റു ചെയ്തത്. പിടിയിലായ പ്രതി 2016 ലും പ്രായപൂർത്തിയാകാത്ത ആൺകുട്ടിയെ പീഡിപ്പിച്ച കേസിൽ പ്രതിയാണ്.
കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
ടൗൺസ്റ്റേഷൻ പരിധിയിലെ 14കാരനെയാണ് പ്രതി പീഡിപ്പിച്ചത്. കുട്ടിയുടെ പരാതിയിൽ മൂന്ന് പേർക്കെതിരെ ടൗൺ പോലീസ് പോക്സോ നിയമപ്രകാരം കേസെടുത്തിരുന്നു.
കഴിഞ്ഞ ദിവസം താവക്കരയ്ക്ക് സമീപം വാടക ക്വാട്ടേർസിൽ താമസിക്കുന്ന മത്സ്യ തൊഴിലാളി ബഷീറിനെ (65) ടൗൺ പോലീസ് അറസ്റ്റു ചെയ്തിരുന്നു. ഇയാൾ റിമാൻ്റിലാണ്.സ്റ്റേഷൻ പരിധിയിലെ 14 കാരനെയാണ് പ്രതികൾ പീഡിപ്പിച്ചത്. സ്റ്റേഷൻ പരിധിയിലെ വിവിധ സ്ഥലങ്ങളിൽ വെച്ച് കഴിഞ്ഞ അഞ്ച് മാസത്തിനിടയിലായിരുന്നു പീഡനം. 14 കാരനെ പ്രലോഭിപ്പിച്ചു കൊണ്ടുപോയി പല തവണ പ്രതികൾ പീഡിപ്പിക്കുകയും പിന്നീട് സംഭവം കുട്ടി ബന്ധുക്കളോട് പറയുകയും ടൗൺപോലീസിൽ പരാതി നൽകുകയുമായിരുന്നു. പരാതിയിൽ കുട്ടിയുടെ മൊഴി രേഖപ്പെടുത്തിയ പോലീസ് പോക്സോ നിയമപ്രകാരം മൂന്ന് കേസുകൾ രജിസ്റ്റർ ചെയ്തു. കേസിൽ ഒരു പ്രതിയെ കൂടി പിടികൂടാനുണ്ട്. ഇയാൾ ഒളിവിലാണ്.
About The Author
