പൂട്ടിയിട്ട വീട് കുത്തി തുറന്ന് സ്വർണ്ണവും അരലക്ഷവും കവർന്നു -

കാഞ്ഞങ്ങാട്. പൂട്ടിയിട്ട വീടീന്റെ മുകൾ നിലയിലെ വാതിൽ കുത്തി തുറന്ന് കവർച്ച. സ്വർണ്ണാഭരണങ്ങളും അര ലക്ഷം രൂപയും കവർന്നു. കാഞ്ഞങ്ങാട് പുഞ്ചാവിയിലെ പാറമ്മൽ ഹൗസിൽ എ.റഹ്മത്തിന്റെ വീട്ടിലാണ് കവർച്ച നടന്നത്. മുകൾ നിലയിലെ വാതിൽ കുത്തി തുറന്ന് അകത്ത് കടന്ന മോഷ്ടാവ് കിടപ്പുമുറിയുടെ വാതിൽ പൊളിച്ച് മുറിയിലെ അലമാരയിൽ സൂക്ഷിച്ച ഒരു പവൻ തൂക്കം വരുന്ന മാലയും കാതിലും അരലക്ഷം രൂപയും കവർന്നു. വീട്ടുകാർ ആശുപത്രിയിൽ പോയ സമയത്തായിരുന്നു മോഷണം. തിരിച്ചു വന്നപ്പോഴാണ് മോഷണം നടന്നത് ശ്രദ്ധയിൽപ്പെട്ടത്.തുടർന്ന് ഹൊസ്ദുർഗ് പോലീസിൽ പരാതി നൽകി. 1,35,000 രൂപയുടെ നഷ്ടം സംഭവിച്ചുവെന്ന
പരാതിയിൽ കേസെടുത്ത പോലീസ് അന്വേഷണം തുടങ്ങി.