10 ലിറ്റർ ചാരായവുമായി യുവാവ് പിടിയിൽ

പയ്യന്നൂർ: വാറ്റുചാരായ നിർമ്മാണവും വിതരണവും നടക്കുന്നുണ്ടെന്ന രഹസ്യ വിവരത്തെ തുടർന്ന് എക്സൈസ് സംഘം നടത്തിയ റെയ്ഡിൽ 10 ലിറ്റർ ചാരായവുമായി യുവാവിനെ പിടികൂടി. രാമന്തളി കുന്നരു കരിയില മൂലയിലെ വെള്ളാച്ചേരി വീട്ടിൽ ഷൈജു (47) വിനെയാണ്
തളിപ്പറമ്പ് എക് സൈസ് സർക്കിൾ ഓഫീസിലെ അസിസ്റ്റന്റ് എക്സ്സൈസ് ഇൻസ്പെക്ടർ ഗ്രേഡ് കെ.കെ. രാജേന്ദ്രനും സംഘവും പിടികൂടിയത്.
കുന്നരു, രാമന്തളി, കരിയിലമൂല ഭാഗങ്ങളിൽ നടത്തിയ പരിശോധനയിൽ കരിയിലമൂലയിൽ വെച്ചാണ് 10 ലിറ്റർ ചാരായവുമായി പ്രതി പിടിയിലായത്. അറസ്റ്റു ചെയ്തപ്രതിയെ പയ്യന്നൂർ കോടതി റിമാൻ്റു ചെയ്തു






