ക്വാട്ടേർസിൽ കയറി അക്രമം മൂന്ന് പേർക്കെതിരെ കേസ്
പഴയങ്ങാടി : ക്വാട്ടേർസിൽ അതിക്രമിച്ച് കയറി ദമ്പതികളെയും മകനെയും മർദ്ദിക്കുകയും വാതിൽ അടിച്ചു തകർക്കുകയും ചെയ്തുവെന്ന പരാതിയിൽ പോലീസ് കേസെടുത്തു. മാട്ടൂൽ സെൻട്രൽ ബീച്ച് റോഡിലെ എം.വി. റഷീദയുടെ പരാതിയിലാണ് മാട്ടൂലിലെ ഖാദർ, റഷീദ്, സിനാൻ എന്നിവർക്കെതിരെ കേസെടുത്തത്. കഴിഞ്ഞ മാസം 26ന് വൈകുന്നേരം 3 മണിക്കാണ് പരാതിക്കാസ് പദമായ സംഭവം. ക്വാട്ടേർസിൻ്റെ വരാന്തയിൽ അതിക്രമിച്ച് കയറിയ പ്രതികൾ പരാതിക്കാരിയെയും ഭർത്താവ് ആബിദിനെയും മകൻ അൽ അമീനെ യും മരപട്ടിക കൊണ്ട് അടിച്ചു പരിക്കേൽപ്പിക്കുകയും യുവതിയെയും മകനെയും തള്ളിയിടുകയും വീടിൻ്റെ പിറക് വശം വാതിൽ തകർത്ത് 10,000 രൂപയുടെ നാശനഷ്ടം വരുത്തി. ഭർത്താവിന് കഞ്ചാവ് വില്പനയുണ്ടെന്ന് പറഞ്ഞ് നടക്കുന്നത് ചോദ്യം ചെയ്ത വിരോധമാണ് അക്രമത്തിന് കാരണമെന്ന് പരാതിയിൽ പറയുന്നു. പരാതിയിൽ കേസെടുത്ത പോലീസ് അന്വേഷണം തുടങ്ങി.
About The Author
