വീട്ടമ്മയെ തള്ളിയിട്ട് പരിക്കേൽപ്പിച്ച യുവാവിനെതിരെ കേസ്
ഇരിക്കൂർ : വീട്ടുമുറ്റത്ത് അതിക്രമിച്ച് കയറി വീട്ടമ്മയെ തള്ളിയിട്ട് പരിക്കേൽപ്പിച്ചുവെന്ന പരാതിയിൽ യുവാവിനെതിരെപോലീസ് കേസെടുത്തു. കല്യാട് കൊശവൻ വയൽ തിരൂരിലെ വി.കെ.ഷീലയുടെ പരാതിയിലാണ് തിരൂരിലെ രാഹുലിനെതിരെ ഇരിക്കൂർ പോലീസ് കേസെടുത്തത്. ഈ മാസം 22 ന് രാവിലെ8.30 മണിക്കാണ് പരാതിക്കാസ്പദമായ സംഭവം. പ്രതിയുടെ മാതാവിനെ പരിചരിക്കാൻ പരാതിക്കാരിയുടെ മകളെ വിടണമെന്ന് ആവശ്യപ്പെട്ടത് നിരസിച്ചതിലുളള വിരോധത്തിൽ
വീട്ടുമുറ്റത്ത് നിൽക്കുകയായിരുന്ന പരാതിക്കാരിയെ പ്രതി തള്ളിയിട്ടതിൽ ഇടത് കൈക്കും ഷോൾഡറിനും കഴുത്തിനും പരിക്കു പറ്റിയെന്ന പരാതിയിലാണ് പോലീസ് കേസെടുത്തത്.
About The Author
