ധർമ്മടം ക്രിക്കറ്റ് ക്ലബ്ബിന് ഉജ്ജ്വല വിജയം! 🏏 വിക്കറ്റുകൾ എറിഞ്ഞുവീഴ്ത്തി അബ്ദുൾ നാസിറും, തകർത്തടിച്ച് നിഗിലും സുനിലും തിളങ്ങിയപ്പോൾ ജില്ലാ എ ഡിവിഷൻ ലീഗ് ക്രിക്കറ്റിൽ തലശ്ശേരി ബ്രദേഴ്സിനെതിരെ ധർമ്മടത്തിന് 4 വിക്കറ്റ് ജയം.
തലശ്ശേരി: ബാബു അച്ചാരത്ത് മെമ്മോറിയൽ ട്രോഫിക്ക് വേണ്ടിയുള്ള കണ്ണൂർ ജില്ലാ എ ഡിവിഷൻ ലീഗ് ക്രിക്കറ്റ് ചാമ്പ്യൻഷിപ്പിൽ ധർമ്മടം ക്രിക്കറ്റ് ക്ലബ്ബിന് 4 വിക്കറ്റ് വിജയം. കോണോർ വയൽ ക്രിക്കറ്റ് സ്റ്റേഡിയത്തിൽ നടന്ന ആവേശകരമായ മത്സരത്തിൽ തലശ്ശേരി ബ്രദേഴ്സ് ക്രിക്കറ്റ് ക്ലബ്ബിനെയാണ് ധർമ്മടം പരാജയപ്പെടുത്തിയത്.
ആദ്യം ബാറ്റ് ചെയ്ത ബ്രദേഴ്സ് ക്രിക്കറ്റ് ക്ലബ് 36.5 ഓവറിൽ 235 റൺസിന് എല്ലാവരും പുറത്തായി. 39 പന്തിൽ 96 റൺസെടുത്ത ജുനൈദ് കെ. ബ്രദേഴ്സിന് വേണ്ടി വെടിക്കെട്ട് ബാറ്റിംഗ് കാഴ്ചവെച്ചു. ധർമ്മടത്തിന് വേണ്ടി അബ്ദുൾ നാസിർ സി.കെ. നാല് വിക്കറ്റുകൾ വീഴ്ത്തി മികച്ച ബൗളിംഗ് പ്രകടനം പുറത്തെടുത്തു.
മറുപടി ബാറ്റിങ്ങിന് ഇറങ്ങിയ ധർമ്മടം ക്രിക്കറ്റ് ക്ലബ് 28.1 ഓവറിൽ 6 വിക്കറ്റ് നഷ്ടത്തിൽ 238 റൺസ് നേടി ലക്ഷ്യം കണ്ടു. 73 പന്തിൽ 97 റൺസെടുത്ത നിഗിൽ കെ.യും 32 പന്തിൽ 64 റൺസ് നേടിയ സുനിൽ എം.വുമാണ് ധർമ്മടത്തിന്റെ വിജയം എളുപ്പമാക്കിയത്. നിഗിൽ കെ.യാണ് മത്സരത്തിലെ താരം (Player of the Match).
ചാമ്പ്യൻഷിപ്പിൽ നാളെ (ഫെബ്രുവരി 4, ബുധനാഴ്ച) തലശ്ശേരി ബി.കെ. 55 ക്രിക്കറ്റ് അക്കാദമി ടെലിച്ചറി സ്റ്റുഡന്റ്സ് സ്പോർട്ടിങ് ക്ലബ്ബിനെ നേരിടും.
About The Author
