കിണറ്റില് വീണ വീട്ടമ്മയെ അഗ്നിരക്ഷാസേന രക്ഷപ്പെടുത്തി
പയ്യന്നൂര്: വെള്ളം കോരുത്തിനിടെ അബദ്ധത്തില് കിണറ്റില്വീണ വീട്ടമ്മയെ അഗ്നിരക്ഷാസേന രക്ഷിച്ചു. പയ്യന്നൂര് കേളോത്ത് ബ്ലൂബെല് റോഡിലെ ഉണ്ണിയുടെ ഭാര്യ ശ്യാമളയെ(62)യാണ് അഗ്നിരക്ഷാസേന രക്ഷിച്ച് ഫയർസ്റ്റേഷനിലെ ആംബുലൻസിൽ ആശുപത്രിയിലെത്തിച്ചത്.
ഇന്നുരാവിലെ 7.15 മണിയോടെയാണ് സംഭവം. ഉയരം കുറഞ്ഞ ആൾമറയുള്ള കിണറ്റില്നിന്നും വെള്ളം കോരുമ്പോള് അബദ്ധത്തില് കിണറ്റില് വീഴുകയായിരുന്നു. വിവരമറിയിച്ചതിനെ തുടര്ന്ന് സ്ഥലത്തെത്തിയ പയ്യന്നൂർ ഫയർ സ്റ്റേഷനിലെ സീനിയര് ഫയര് ആൻ്റ് റെസ്ക്യു ഓഫീസര് വിജയന്റെ നേതൃത്വത്തിലുള്ള സംഘം നെറ്റ് ഉപയോഗിച്ച് വീട്ടമ്മയെ പുറത്തെടുക്കുകയായിരുന്നു. പരിക്കേറ്റ ഇവരെ ഉടന് പയ്യന്നൂർ സഹകരണാശുപത്രിയിലെത്തിക്കുകയായിരുന്നു.
About The Author
