121 നാമനിർദേശ പത്രികകൾ സമർപ്പിച്ചു
കണ്ണൂർ : തദ്ദേശ സ്വയംഭരണ തിരഞ്ഞെടുപ്പിനായി ജില്ലയിൽ തിങ്കളാഴ്ച ആകെ 121 നാമനിർദേശ പത്രികകൾ സമർപ്പിച്ചു. ജില്ലാ പഞ്ചായത്തിൽ 57, ഗ്രാമപ്പഞ്ചായത്തുകളിൽ 60, തളിപ്പറമ്പ്, ശ്രീകണ്ഠപുരം നഗരസഭകളിലായി ആകെ മൂന്ന്, കണ്ണൂർ കോർപ്പറേഷനിൽ ഒന്നും നാമനിർദേശ പത്രികകളാണ് വരണാധികാരി/ ഉപവരണാധികാരികൾ മുൻപാകെ നൽകിയത്.
വെള്ളിയാഴ്ചവരെ നാമനിർദേശ പത്രിക സമർപ്പിക്കാം. പ്രവൃത്തിദിവസങ്ങളിൽ രാവിലെ 11-നും വൈകീട്ട് മൂന്നിനുമിടയിലാണ് പത്രിക സമർപ്പിക്കേണ്ടത്. സൂക്ഷ്മപരിശോധന ശനിയാഴ്ച നടത്തും. സ്ഥാനാർഥിത്വം പിൻവലിക്കാനുള്ള അവസാന തീയതി 24 ആണ്.
About The Author
