തളിപ്പറമ്പിൽ വിദ്യാർഥികളുമായി പോയ ഓട്ടോ അപകടത്തിൽ 11 കുട്ടികൾക്ക് പരിക്ക്
തളിപ്പറമ്പ്: കുപ്പം എം.എം.യു.പി.എസ്. സ്കൂളിലെ വിദ്യാർഥികളുമായി യാത്ര ചെയ്തിരുന്ന ഓട്ടോ നിയന്ത്രണം വിട്ട് മതിലിടിച്ച് 11 വിദ്യാർഥികൾക്ക് പരിക്കേറ്റു. തിങ്കളാഴ്ച വൈകുന്നേരമാണ് സംഭവം നടന്നത്.
പരിക്കേറ്റ ഏഴാം ക്ലാസ് വിദ്യാർഥിനി **നജാ ഫാത്തിമ (12)**യെ തളിപ്പറമ്പ് ലൂർദ് ആശുപത്രിയിലും, മറ്റു വിദ്യാർഥികളായ റഫ (9), ഫർസ (9), ഹാദി മുഹമ്മദ് (9), കെ.സി. ഫാത്തിമ (9), ഇസ്ന ഫാത്തിമ (6), ഷിഫാൻ (12), ഫർഹാ ഫാത്തിമ (12), മൻഹ (5), മിൻഹ (5), കെ. ഫാത്തിമ (10) എന്നിവരെയും കണ്ണൂർ ഗവ. മെഡിക്കൽ കോളേജിലുമാണ് പ്രവേശിപ്പിച്ചത്.
അപകടത്തിൽ **ഓട്ടോ ഡ്രൈവർ അബ്ദുൽ ഖാദർ വായാട് (55)**ക്കും പരിക്കേറ്റു.
വായാട് പുളിയുൽ പ്രദേശത്തെ വിദ്യാർഥികളാണ് അപകടത്തിൽപ്പെട്ടത്.
About The Author
