ദമ്പതികൾ പൊള്ളലേറ്റ് മരിച്ച നിലയിൽ; പോലീസ് അന്വേഷണം തുടങ്ങി
കണ്ണൂർ:
അലവിൽ സ്വദേശികളായ പ്രേമരാജൻ (75), ഭാര്യ എ.കെ. ശ്രീലേഖ (69) എന്നിവരെ വീട്ടിൽ പൊള്ളലേറ്റ് മരിച്ച നിലയിൽ കണ്ടെത്തി. സംഭവം വ്യാഴാഴ്ച വൈകുന്നേരം അഞ്ചുമണിയോടെയാണ് പുറത്തറിഞ്ഞത്.
ഡ്രൈവർ വീട്ടിലെത്തിയപ്പോൾ വിളിച്ചിട്ടും വാതിൽ തുറക്കാതിരുന്നതിനെ തുടർന്ന് അകത്ത് നോക്കിയപ്പോഴാണ് ഇരുവരും കത്തിക്കരിഞ്ഞ നിലയിൽ മരിച്ചുകിടക്കുന്നത് കണ്ടത്. ഇവരുടെ മക്കൾ വിദേശത്താണ് ജോലി ചെയ്യുന്നത്.
വളപട്ടണം പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. പോസ്റ്റ്മോർട്ടം കഴിഞ്ഞ് മൃതദേഹങ്ങൾ ബന്ധുക്കൾക്ക് വിട്ടുനൽകുമെന്ന് അധികൃതർ അറിയിച്ചു.
About The Author
