ജെയുസിഐ കൊക്കാനിശ്ശേരിയുടെ നേതൃത്വത്തിൽ ‘യൂത്ത് ലീഡർഷിപ്പ് & വോയിസ് ഡേ’ ആചരിച്ചു
കരിവെള്ളൂർ: ജെ.സി.ഐ. വീക്ക് 2026ന്റെ ഭാഗമായി ജെ.സി.ഐ. കൊക്കാനിശ്ശേരിയുടെ നേതൃത്വത്തിൽ ‘യൂത്ത് ലീഡർഷിപ്പ് & വോയിസ് ഡേ’ ആചരിച്ചു. ഇതിന്റെ ഭാഗമായി സെപ്റ്റംബർ 10 വ്യാഴാഴ്ച രാവിലെ 11:30-ന് എ.വി.എസ്.ജി.എച്ച്.എസ്.എസ്. കരിവെള്ളൂരിൽ ഹൈസ്കൂൾ വിദ്യാർത്ഥികൾക്കായി പ്രസംഗ മത്സരം (Young Speaker Contest / Public Speaking Competition) സംഘടിപ്പിച്ചു. വിദ്യാർത്ഥികളുടെ ആശയവിനിമയശേഷി, ആത്മവിശ്വാസം, നേതൃത്വഗുണങ്ങൾ, പൊതുവേദിയിൽ സംസാരിക്കാനുള്ള കഴിവ് എന്നിവ വളർത്തുക എന്ന ലക്ഷ്യത്തോടെയാണ് മത്സരം സംഘടിപ്പിച്ചത്. നിരവധി വിദ്യാർത്ഥികൾ പരിപാടിയിൽ ആവേശത്തോടെ പങ്കെടുത്തു.
ജെ.സി.ഐ. വീക്ക് ഡയറക്ടർ ജെ.എഫ്.എം. ഹരപ്രസാദ് എം. സ്വാഗതം ആശംസിച്ച ചടങ്ങിൽ ജെ.സി.ഐ. കൊക്കാനിശ്ശേരി പ്രസിഡന്റ് ജെ.എഫ്.ഡി. സനോജ് എം.വി. അധ്യക്ഷത വഹിച്ചു. സ്കൂൾ ഹെഡ്മാസ്റ്റർ ലക്ഷ്മണൻ മാസ്റ്റർ പരിപാടി ഉദ്ഘാടനം ചെയ്തു. ജെ.സി.ഐ. സോൺ വൈസ് പ്രസിഡന്റ് ജെ.എഫ്.എ. ഷിജു മോഹൻ വിജയികൾക്കുള്ള സമ്മാനദാനം നിർവഹിച്ചു. ജെ.സി. കവിത എം. ചടങ്ങിന് നന്ദി പറഞ്ഞു. മത്സരത്തിൽ ഒമ്പതാം ക്ലാസ് ബി വിഭാഗം വിദ്യാർത്ഥി മുഹമ്മദ് സി.എച്ച്. വിജയിയും, പത്താം ക്ലാസ് എ വിഭാഗം വിദ്യാർത്ഥി സരയു ശ്രീകുമാർ റണ്ണറപ്പുമായി. കുട്ടികളുടെ കഴിവുകൾ കണ്ടെത്തി പ്രോത്സാഹിപ്പിക്കുക എന്ന ജെ.സി.ഐയുടെ “Today’s Youth – Tomorrow’s Leaders” എന്ന ആശയത്തിന്റെ മികച്ച മാതൃകയായി ഈ പരിപാടി മാറി.
About The Author
