മാഹി എക്സൈസ് ചെക്പോസ്റ്റിൽ മദ്യവേട്ട; ബസ്സിൽ കടത്തുകയായിരുന്ന 48 കുപ്പി മദ്യം പിടികൂടി
മാഹി: മാഹി എക്സൈസ് ചെക്പോസ്റ്റിൽ വൻ മദ്യവേട്ട. വടകര-തലശ്ശേരി റൂട്ടിലോടുന്ന ബസ്സിൽ കടത്തുകയായിരുന്ന 48 കുപ്പി പുതുച്ചേരി (മാഹി) മദ്യമാണ് എക്സൈസ് സംഘം പിടികൂടിയത്.
മാഹി എക്സൈസ് ചെക്ക് പോസ്റ്റിലെ അസിസ്റ്റന്റ് എക്സൈസ് ഇൻസ്പെക്ടർ അഷ്റഫ് മലപ്പട്ടത്തിന്റെ നേതൃത്വത്തിൽ നടത്തിയ വാഹന പരിശോധനയിലാണ് മദ്യം കണ്ടെത്തിയത്. എക്സൈസ് സംഘത്തിന്റെ പരിശോധനയിൽ പ്രിവന്റീവ് ഓഫീസർ ജലീഷ്, സിവിൽ എക്സൈസ് ഓഫീസർ വിനീഷ് കെ. എന്നിവരും പങ്കെടുത്തു.
About The Author
