യു ഡി എഫ് സ്ഥാനാർത്ഥിയുടെ ഫ്ലക്സ് ബോർഡുകൾ നശിപ്പിച്ചു
പരിയാരം : യുഡി എഫ് സ്ഥാനാർത്ഥിയുടെ ഫ്ലക്സ് ബോർഡുകൾ രാഷ്ട്രീയ വിരോധം വെച്ച് നശിപ്പിക്കുകയും കടത്തി കൊണ്ടുപോകുകയും ചെയ്തുവെന്ന പരാതിയിൽ പോലീസ് കേസെടുത്തു. യു ഡി എഫ് പ്രാദേശിക നേതാവ് വിളയാങ്കോട് കുളപ്രം സ്വദേശി കഴകക്കാരൻ ഹൗസിൽ രാംദാസിൻ്റെ (63) പരാതിയിലാണ് ചെറുതാഴം അതിയടത്തെ എം. ഷിനോജിനെതിരെ പരിയാരം പോലീസ് കേസെടുത്തത്. 28 ന് ശനിയാഴ്ച വൈകുന്നേരം 4 മണിക്ക് കുളപ്പുറം മുത്തപ്പൻ ക്ഷേത്രത്തിന് സമീപം സ്ഥാപിച്ച യു.ഡി എഫ് സ്ഥാനാർത്ഥിയുടെ നാല് ഫ്ലക്സ് ബോർഡുകൾ ലഹള ഉണ്ടാക്കണമെന്ന ഉദ്ദേശത്തോടെ സി പി എം പ്രവർത്തകനായ പ്രതി ഒരു ഫ്ലക്സ് ബോർഡ് സ്ഥലത്ത് വെച്ചു നശിപ്പിച്ചുവെന്നും മൂന്ന് ഫ്ലക്സ് ബോർഡുകൾ എടുത്തു കൊണ്ടുപോയി എന്ന പരാതിയിലാണ് കേസെടുത്തത്.
About The Author
