29.66 ഗ്രാം എംഡിഎം എ യുമായി ആറു പേർ അറസ്റ്റിൽ -

Spread the love

വളപട്ടണം : ലോഡ്ജ്മുറിയിൽ വെച്ച് മാരക ലഹരി മരുന്നായ 29.66 ഗ്രാം എംഡിഎം എ യുമായി ആറുപേരെ വളപട്ടണം പോലീസും ജില്ല പോലീസ് മേധാവിയുടെ ഡാൻസാഫ് സ്ക്വാഡും ചേർന്ന് പിടികൂടി. നാറാത്ത് കണ്ണാടിപ്പറമ്പിലെ കെ.മുബഷീർ (20), മാലോട്ട് സ്വദേശി കെ എം.ഷനാദ് (19), കൊളച്ചേരി പള്ളിപ്പറമ്പിലെ എം.കെ. മുഹമ്മദ്(40), പള്ളിക്കര ബേക്കൽക്കോട്ടയ്ക്ക് സമീപത്തെ കെ.അബ്ദുൾ നാസർ (33), ചേലേരിയിലെ സി.പി. മുഹമ്മദ്(45), മുളിയാർ അമ്മൻക്കോട്ടെ ബി. മുഹമ്മദ് ഷമീർ (28) എന്നിവരെയാണ് വളപട്ടണം എസ്.ഐ. വി. ആർ. അരുണും സംഘവും ഡാൻസാഫ് സ്ക്വാഡും ചേർന്ന് പിടികൂടിയത്. ഇന്നലെ വൈകുന്നേരം 3.15 മണിയോടെ വളപട്ടണം പഴയ ടോൾ ബൂത്തിനടുത്തെ പെട്രോൾ പമ്പിനു സമീപത്തെ ലോഡ്ജിലെ ഒന്നാം നിലയിലെ മുറിയിൽ വെച്ചാണ് 29.66 ഗ്രാം എംഡിഎംഎയുമായി പ്രതികൾ അറസ്റ്റിലായത്.