ടി.കെ. ഗോവിന്ദൻ്റെ വിമർശനം പാർട്ടിക്കെതിരെ; വ്യക്തിപരമായി മറുപടി പറയേണ്ടതില്ല’: പി.കെ. ശ്യാമള
തളിപ്പറമ്പ്: നിയമസഭാ തിരഞ്ഞെടുപ്പിലെ സ്ഥാനാർഥിത്വവുമായി ബന്ധപ്പെട്ട് മുതിർന്ന നേതാവ് ടി.കെ. ഗോവിന്ദൻ ഉയർത്തിയ വിമർശനങ്ങൾക്ക് ആദ്യമായി പ്രതികരിച്ച് സി.പി.എം സ്ഥാനാർഥി പി.കെ. ശ്യാമള. ടി.കെ. ഗോവിന്ദൻ വിമർശനം ഉയർത്തിയത് തനിക്കെതിരെയല്ലെന്നും മറിച്ച് പാർട്ടിക്കെതിരെയാണെന്നും അവർ വ്യക്തമാക്കി.
സ്ഥാനാർഥി പ്രഖ്യാപനത്തിന് പിന്നാലെ മണ്ഡലത്തിൽ ഉയർന്നുവന്ന വിവാദങ്ങളിൽ പാർട്ടി നേതൃത്വം തന്നെ ഔദ്യോഗികമായി മറുപടി പറയും. ഇതിൽ താൻ വ്യക്തിപരമായി പ്രതികരിക്കേണ്ടതില്ലെന്നാണ് കരുതുന്നത്. ഇനി വിഷയത്തിൽ വ്യക്തിപരമായ മറുപടി പാർട്ടി ആവശ്യപ്പെടുകയാണെങ്കിൽ അപ്പോൾ മാത്രം പ്രതികരിക്കാമെന്നും പി.കെ. ശ്യാമള മാധ്യമങ്ങളോട് വ്യക്തമാക്കി.
About The Author
