സ്തനാർബുദ നിർണ്ണയ ക്യാമ്പും ബോധവൽക്കരണ ക്ലാസ്സും നടത്തി.
തളിപ്പറമ്പ് :കേരള പോലീസ് അസോസിയേഷന്റെ മൂന്നാമത് കണ്ണൂർ റൂറൽ ജില്ലാ സമ്മേളനത്തിന്റെ ഭാഗമായി സ്തനാർബുദ നിർണ്ണയ ക്യാമ്പും ബോധവൽക്കരണ ക്ലാസ്സും നടത്തി. കെ പി എ ജില്ലാ വൈസ് പ്രസിഡന്റ് സിന്ധു മാവില അധ്യക്ഷത വഹിച്ച ചടങ്ങ് ആന്തൂർ നഗരസഭ ചെയർപേഴ്സൺ വി സതീദേവി ഉദ്ഘാടനം ചെയ്തു.മലബാർ ക്യാൻസർ കെയർ സൊസൈറ്റി മെഡിക്കൽ ഓഫിസർ ഡോ. ഹർഷ ഗംഗാധരൻ ബോധവൽക്കരണ ക്ലാസ്സ് നടത്തി.
പെരിങ്ങോം സബ് ഇൻസ്പെക്ടർ കെ. ഖദീജ, കെ പി ഒ എ കണ്ണൂർ റൂറൽ ജില്ലാ വൈസ് പ്രസിഡന്റ് എം കെ. സാഹിദ, കെ പി എ സംസ്ഥാന നിർവാഹക സമിതി അംഗം എ രാജി, കെ പി എ ജില്ലാ കമ്മിറ്റി അംഗം ഇ കെ ദീപ എന്നിവർ ആശംസ നേർന്നു സംസാരിച്ചു . കെ പി എജില്ലാ കമ്മിറ്റി അംഗം കെ.പ്രിയ സ്വാഗതവും കെ പി എറൂറൽ ജില്ലാ നിർവാഹക സമിതി അംഗം കെ പി വി മഹിത നന്ദിയും പറഞ്ഞു.
About The Author
