മുരിക്കൊവ്വൽ സെൻട്രൽ ആർട്സ് ക്ലബ്ബ് 'സ്മരണാഞ്ജലി'; ധർമ്മജൻ ബോൾഗാട്ടിയും ഗായിക ലതികയും പയ്യന്നൂരിലെത്തുന്നു -

Spread the love

പയ്യന്നൂർ: മൂരിക്കൊവ്വൽ പരിസര പ്രദേശങ്ങളിലെ മൺമറഞ്ഞുപോയ വ്യക്തിത്വങ്ങളെ ആദരിച്ചുകൊണ്ട് മുരിക്കൊവ്വൽ സെൻട്രൽ ആർട്സ് ക്ലബ്ബ് സംഘടിപ്പിക്കുന്ന ‘സ്മരണാഞ്ജലി’ ജനുവരി 3, 4 തീയതികളിൽ നടക്കും. 35 വർഷത്തെ ഇടവേളയ്ക്ക് ശേഷമാണ് ക്രിസ്മസ്-ന്യൂ ഇയർ ആഘോഷങ്ങളുടെ ഭാഗമായി ക്ലബ്ബ് ഇത്തരമൊരു ബൃഹദ് പരിപാടി സംഘടിപ്പിക്കുന്നത്. പയ്യന്നൂർ ഫയർ സ്റ്റേഷന് സമീപം പ്രത്യേകം സജ്ജമാക്കിയ വേദിയിലാണ് പരിപാടികൾ അരങ്ങേറുന്നത്.

പ്രധാന പരിപാടികൾ:

• ജനുവരി 3 (ശനി): വൈകിട്ട് 5 മണി മുതൽ പ്രാദേശിക കലാകാരന്മാരുടെ വിവിധ കലാപരിപാടികൾ നടക്കും.

• ജനുവരി 4 (ഞായർ): വൈകിട്ട് 5:30-ന് സാംസ്കാരിക സമ്മേളനം പയ്യന്നൂർ എം.എൽ.എ ടി.ഐ. മധുസൂദനൻ ഉദ്ഘാടനം ചെയ്യും. പ്രശസ്ത സിനിമാതാരം ധർമ്മജൻ ബോൾഗാട്ടി മുഖ്യാതിഥിയാകും.

• ആദരിക്കൽ: സാമൂഹ്യ സേവന രംഗത്തെ മികച്ച പ്രവർത്തനത്തിന് ഡോക്ടർ സുജാ വിനോദിനെ ചടങ്ങിൽ ആദരിക്കും.

• സ്മരണാഞ്ജലി: രാത്രി 7 മണിക്ക് പ്രദേശത്തെ പ്രമുഖ വ്യക്തിത്വങ്ങളെ അനുസ്മരിച്ചുകൊണ്ടുള്ള പ്രത്യേക പരിപാടി നടക്കും.

• ഗാനമേള: രാത്രി 7:30-ന് തെന്നിന്ത്യൻ പിന്നണി ഗായിക ലതിക നയിക്കുന്ന ‘പയ്യന്നൂർ മെലഡീസ്’ ഓർക്കസ്ട്രയുടെ ഗാനമേള അരങ്ങേറും.

ചടങ്ങിൽ ഗിരീഷ് കുന്നുമ്മൽ, കരിപ്പിരി ബാലൻ, ടി. വിശ്വനാഥൻ, ടി.വി. രജിത, ഏ.വി. മാധവപൊതുവാൾ, അഡ്വ. ശശി വട്ടക്കൊവ്വൽ തുടങ്ങി രാഷ്ട്രീയ-സാംസ്കാരിക രംഗത്തെ പ്രമുഖർ സംബന്ധിക്കും.