പാപ്പിനിശ്ശേരി മൂന്നുപെറ്റുമ്മ പള്ളി ഉറുസിന് നാളെ തുടക്കം
പാപ്പിനിശ്ശേരി: പ്രശസ്തമായ പാപ്പിനിശ്ശേരി മൂന്നുപെറ്റുമ്മ പള്ളി (കാട്ടിലെപ്പള്ളി) ഉറുസ് ആഘോഷങ്ങൾക്ക് നാളെ തുടക്കമാകും. നാളെ ജുമുഅ നമസ്കാരത്തിന് ശേഷം പാണക്കാട് സാബിഖലി ശിഹാബ് തങ്ങൾ ഉറുസ് ഉദ്ഘാടനം ചെയ്യും. എ.കെ. അബ്ദുൽ ബാഖി ചടങ്ങിൽ അധ്യക്ഷത വഹിക്കും.
• വെള്ളി (നാളെ): വൈകുന്നേരം 7:30-ന് ഹൈദ്രോസ് ബാഖവിയുടെ നേതൃത്വത്തിൽ മജ്ലിസുന്നൂർ നടക്കും.
• ശനി (ജനുവരി 24): വൈകുന്നേരം 7:30-ന് ദഫ് പ്രദർശനവും തുടർന്ന് ബുർദ മജ്ലിസും അരങ്ങേറും.
• ഞായർ (ജനുവരി 25): വൈകുന്നേരം 7:30-ന് മൻസൂർ പുത്തനത്താണി ടീം അവതരിപ്പിക്കുന്ന ഇശ്ഖ് മജ്ലിസ്.
• തിങ്കൾ (ജനുവരി 26): വൈകുന്നേരം 7:30-ന് സമാപന സമ്മേളനം നടക്കും. സമസ്ത കേന്ദ്ര മുശാവറ അംഗം കെ. മുഹമ്മദ് ശരീഫ് ബാഖവി ഉദ്ഘാടനം ചെയ്യും. അസ്ലം തങ്ങൾ അൽമസ്ഹൂർ അധ്യക്ഷത വഹിക്കും. യൂസഫ് ബാഖവി മുറയൂർ പ്രഭാഷണം നടത്തും. അബ്ദുൽ ഫത്താഹ് ദാരിമിയുടെ നേതൃത്വത്തിൽ ദിക്ർ-ദുആ മജ്ലിസോടെ ഉറുസ് സമാപിക്കും.
About The Author
